Alma 62

Tiankōm im Moronai

Kwaļo̧k peran ekajoor

Ammorōn ej pād ippān jarin tariņae eo an riLeman ro rej ire ippān jar in tariņae eo an riNipai

Ālkin Amelakaia ekar mej, ļeo jatin Ammorōn ekar erom̧ kiin̄ eo an RiLeman ro. Ammorōn ekar jab bōjrak an ire ippān riNipai ro. Pata eo ekar wōnm̧aanļo̧k elōn̄ iiō ko. RiNipai ro rekar jino wiin, innām jarin tariņae an riLeman ro rekar ko n̄an juon bukwōn. Moronai, Tiankōm̧, im bar juon kapen an riNipai ekar m̧aaj ālkin riLeman ro ippān jarin tariņae ko aer.

Alma 52:3–4; 54:16–24; 62:12–35

Tiankōm̧ ej jibwe juon m̧ade im kepaakeļo̧k bukwōn eo ilo bon̄

Tiankōm̧ ekar illu bwe Amelakaia im Ammorōn rekar kōm̧m̧an pata eo en kilep, aetok. Kōn pata eo, elōn̄ armej rekar mej im ekar jab lukkuun lōn̄ m̧ōn̄ā. Tiankōm̧ ekar kōņaan in kōjem̧ļo̧k pata eo. Ekar etal n̄an bukwōn eo ilo bon̄ōn̄ eo im pukot Ammorōn.

Alma 62:35–36

Tiankōm̧ ej jibwe juon to im kāāj im kelōn̄ļo̧k ioon wo̧o̧ļ eo

Tiankōm̧ ekar tallōn̄e im kejo̧ne wo̧o̧ļ eo an bukwōn eo. Ekar etal jān jikin n̄an jikin ilo bukwōn eo m̧ae iien ekar loe ijo Ammorōn ekar kiki ie.

Alma 62:36

Tiankōm̧ ej jutak ilo em̧ nuknuk eo deļo̧n̄ kōn m̧ade im to eo

Tiankōm̧ ekar kadkadļo̧k kōn m̧ade eo n̄an Ammorōn. Im elōlō ippān turin menono eo. Ak Ammorōn ekar karuj rijerbal ro an m̧okta jān an mej.

Alma 62:36

Tiankōm̧ ej jelm̧ae ritariņae ro an riLeman ro kōn m̧ade ko

Rijerbal ro an Ammorōn̄ rekar kōppōļļe Tiankōm̧ im m̧an e. RiNipai ro jet rekar lukkuun būrom̧ōj bwe Tiankōm̧ ekar mej. Ekar peran im ire kōn anemkwoj eo an armej ro an.

Alma 62:36–37

Ritariņae an riNipai ro rekar bōke ritariņae an riLeman ro

Mekarta ekar mej, Tiankōm̧ ekar jipan̄ riNipai ro wiini pata eo. Ekar kōm̧m̧an bwe riLeman ro ren luuji ritōl eo aer. Jibbon̄ eo juon, Moronai ekar ire ippān riLeman ro im wiin. RiLeman ro rekar em̧m̧akūt jān āneen riNipai ro, im pata eo ekar jem̧ļo̧k.

Alma 62:37–38

Kiāptin Moronai ej tōl em̧m̧aan ro kalōke juon bukwōn, im baam̧le ko rej alooje

Rekar āliktata aenōm̧m̧an. Moronai ekar ļap an jerbal n̄an kōm̧m̧an bwe āne eo āneen riNipai ro en kōjparok jān riLeman ro. Innām Moronai ekar ro̧o̧l n̄an m̧weo im̧ōn ilo aenōm̧m̧an. Rikanaan ro rekar katakin gospel eo im tōl Kabun̄ eo an Anij. Armej ro rekar lōke ilo Irooj, im E ekar kōjeraam̧m̧an er.

Alma 62:39–51