Nipai Rikanaan eo

Bōk eļap kajoor jān Irooj

Rinipai ro raar kōņak nuknuk ko rem̧m̧an idier kar ko̧o̧ti jān im ettōn̄ kōn armej ro

Juon kumi kar ņa etaer riko̧o̧t in Kadiāntōn ro rekar irooj ioon jikin kweilo̧k eo an Zeraemla. Rekar kallim̧ur n̄an jipan̄ doon kōm̧m̧ani men ko renana. Raar ko̧o̧t im kōmetak armej ro n̄an bōk jāān im kajoor. Elōn̄ wōt iaan armej ro raar koba ippān riko̧o̧t ro. Raar kōņaan m̧weie.

Hilamōn 6:15–24, 38–39; 7:4–5

Nipai ej bukwelōlō ilo im̧ōn bar eo im̧ōn im jar, im juon Rinipai ej mejān lāj ļo̧k n̄an e

Rikanaan Nipai ekar jokwe ilo Zeraemla. Nipai ekar jar n̄an Anij kōnke ekar būruom̧ōj bwe armej ro raar jab ļoor kien ko an Anij. Nipai ekar kajjitōk ippān armej ro n̄an keememej aolep men ko Anij ekar kōm̧m̧ani n̄an er. Bōtaab elōn̄ armej ro raar jab ron̄jake. Rekar kea eļapļo̧k kōn jāān im kajoor jān pokake Anij.

Hilamōn 7:1–22

Nipai ej kōnono n̄an juon jarlepju in Rinipai ro jān im̧ōn bar eo, im armej ro rej būron̄ e

Nipai ekar kakkōl armej ro kōn riko̧o̧t ro. Ekar ba rej aikuj in ukweļo̧k. Jet iaan riekajet in Nipai ro raar kobaļo̧k ippān riko̧o̧t ro. Raar illu ippān Nipai im kar ba ekar riab. Raar kōņaan bwe armej ro ren illu ippān Nipai barāinwōt.

Hilamōn 7:22–29; 8:1–7

Nipai ekar ba bwe Anij ekar jiron̄ rikanaan ro An elōn̄ men ko. Nipai ekar jiron̄ er bwe aolep rikanaan ro rekar katakin kōn itok eo an Jisōs Kraist. Ekar ba bwe rikanaan ro rekar kakkōl armej ro bwe Jerusalem naaj maron̄ ko̧kkure eļan̄n̄e rejjab ukweļo̧k. Ekar jipan̄ er kemeemej ke Jerusalem kar ko̧kkure.

Hilamōn 8:11–25

Nipai ej kōnono n̄an juon jarlepju in Rinipai, im armej ro rej ron̄jake

Raan eo tok juon, riekajet ro raar kajjitōk ippān Nipai kajjitōk ko n̄an kapok e. Ekar jiron̄ er kōn devil eo ilubwilijier. Jet iaan armej ro rekar tōmak Nipai im kar jeļā bwe ekar juon rikanaan.

Hilamōn 9:19–41

Ro jet raar jab tōmak. Aolep rekar akweel innām ilo̧k. Nipai ekar ļōmņak kōn ta eo Irooj ekar katakin e. Ekar būrom̧ōj kōnke kōn kōn kōm̧m̧an ko renana an armej ro.

Hilamōn 10:1–3

Nipai ej bukwelōlō im ej jar, im juon meram ej romaak ioon

Irooj eaar kōnono n̄an Nipai. Ekar m̧ōņōņō bwe Nipai ekar katakin armej ro. Kōnke kōn ewi jon̄an an Nipai kar pokake, Irooj ekar leļo̧k n̄an e kajoor ejenolo̧k ioon men ko ioon laļ im ilo lan̄. Irooj ekar jeļā bwe Nipai enaaj kōjerbal wōt kajoor eo n̄an jipan̄ armej ro ukweļo̧k.

Hilamōn 10:3–12

Nipai ej kōnono n̄an juon jarlepju in Rinipai ro, im armej ro rej kōjekdo̧o̧ņ e ak mejān lāj n̄an e

Irooj ekar jiron̄ Nipai n̄an bar ro̧o̧l n̄an ippān armej ro im jiron̄ er n̄an ukweļo̧k. Nipai ekar ilo̧k ilo iien eo wōt. Bōtaab armej ro raar illu ippān im kar jab ron̄jake.

Hilamōn 10:11–15

ribare ro rej pukot Nipai, im Nipai ej etalļo̧k jān er

Raar kajjieon̄ likūt Nipai ilo kalbuuj. Ak Jitob eo an Anij ekar jipan̄ Nipai ko.

Hilamōn 10:15–17

Nipai ej reilo̧k n̄an juon jikin kweilo̧k ebwil

Nipai ekar katakin wōt naan eo an Anij. Armej ro raar jab ron̄jake. Rekar jino akweel im ire ippān doon. Riko̧o̧t ro raar kōm̧m̧an bwe ire en nana ļo̧k. Ejjab eto, eaar wōr tariņae ko ilo aolep jikin kweilo̧k. Elōn̄ armej raar ikkinejnej ak kar mej. Nipai ekar būrom̧ōj. Ekar jab kōņaan bwe en armej ro ren jako jān tariņae ko.

Hilamōn 10:17–18; 11:1–4

Āne eo ej m̧ōrā, ejjeļo̧k menin eddōk, im eaar ejjeļo̧k dān, im Rinipai ro rej mejān būrom̧ōj im jipan̄ doon

Nipai ekar kajjitōk ippān Anij n̄an kōm̧m̧ane juon n̄ūta ļapļap bwe armej ro ren keememej Irooj im ukweļo̧k. Eaar ejjeļo̧k wōt ium̧win elōn̄ iiō ko. Bwidej eo eaar m̧ōrā, im mennin eddōk raar jab maron̄ eddōk. Armej ro rekar kwōle. Ekar bōjrak aer ire im kar jino keememej Irooj. Armej ro raar ukweļo̧k im kar joļo̧k riko̧o̧t ro.

Hilamōn 11:3–7, 9–10

Nipai ej jar, ej wōt, im Rinipai ro rej ettōn̄ dikdik im kam̧m̧oolol Anij

Armej ro rekar kajjitōk ippān Nipai bwe en jar n̄an Irooj. Nipai eaar loe bwe rekar ukweļo̧k im riko̧o̧t ro raar jako. Ekar kajjitōk ippān Irooj bwe en jilkinļo̧k wōt. Irooj eaar uwaake jar eo an Nipai. Wōt ekar itok, im mennin eddōk ko raar jino in eddōk. Armej ro raar kam̧oolol Anij. Rekar jeļā bwe Nipai ekar juon rikanaan im kar bōke eļap kajoor jān Anij.

Hilamōn 11:8–18