Isahluko 1

Sayifumana Kanjani iNcwadi kaMormoni

Xa uJoseph Smith wayeneminyaka eli-14, amabandla amaninzi ayebanga ukuba yayingawo awenyaniso, kwaye wayengazi ukuba angenele kweliphi.

Joseph Smith—Imbali 1:5–10

Ngenye imini uJoseph wafunda uYakobi 1:5 ebhayibhileni: “Ukuba ke ubani kuni uswele ubulumko, makacele kuThixo.” UJoseph wayefuna ukwazi ukuba yayileliphi elona bandla elalilungile, ngoko ke wagqiba kwelokuba makacele kuThixo.

Joseph Smith—Imbali 1:11–13

Ngentsasa yentwasahlobo uJoseph waya ehlathini elalikufutshane nakwikhaya lakhe eyokuthandaza.

Joseph Smith—Imbali 1:14

Njengoko wayeguqe phantsi kwaye eqalisa ukuthandaza, uSathana wazama ukumnqanda. UJoseph wathandaza ngamandla, ecela uBawo Osezulwini ukuba amncede.

Joseph Smith—Imbali 1:15–16

UBawo Osezulwini kunye noYesu Krestu baza kuJoseph ngentsika yokukhanya. UBawo Osezulwini walatha kuYesu kwaye wathi: Lo nguNyana Wam Wentanda. Mve Yena!”

Joseph Smith—Imbali 1:16–17

UJoseph wabuza ukuba kumele angenelele eliphi ibandla. UYesu wamxelela ukuba angangeneleli nalinye kuwo kuba onke ayebugwenxa.

Joseph Smith—Imbali 1:18–19

Xa uJoseph wayexelela abanye abantu into awayeyibonile kwaye nawayeyivile, bona bamhleka. Iinkokheli zamabandla asekuhlaleni zamtshutshisa.

Joseph Smith—Imbali 1:21–22

Iminyaka emithathu yaye yagqitha. Ngobunye ubusuku uJoseph wayethandazela ukuba axolelwe izono zakhe kwaye ayazi ukuba kumele enze ntoni na.

Joseph Smith—Imbali 1:29

Ingelosi eyayibizwa uMoronayi yavela kwaye yaxelela uJoseph ngencwadi eyayibhalwe kumacwecwe egolide. UJoseph kwakumele ukuba awaguqulele la macwecwe kulwimi lwesiNgesi.

Joseph Smith—Imbali 1:33–35

Emveni kokuba uMoronayi emkile, uJoseph wacinga ngento uMoronayi awayemxelele yona. UMoronayi waphinda wabuya amatyeli amabini kobo busuku.

Joseph Smith—Imbali 1:44–47

Ngosuku olulandelayo uJoseph waya kwincopho yeNduli iKhumora, awayethe wayibona kumbono. Apho wafumana ilitye elikhulu. Walisusa ilitye ngenduku.

Joseph Smith—Imbali 1:50–52

Ngaphantsi kwelitye kwakukho ityesi yelitye. Njengoko uJoseph wajonga ngaphakathi kwityesi yelitye,wawabona amacwecwe egolide.

Joseph Smith—Imbali 1:51–52

UMoronayi wavela kwaye waxelela uJoseph ukuba angawathathi amacwecwe kodwa kwakumele ukuba abuye rhoqo ngolusuku lunye lufanayo enyakeni kangangeminyaka emine. Tyeli ngalinye uJoseph wayesiya apho, uMoronayi wayemfundisa.

Joseph Smith—History 1:53–54

Emva kweminyaka emine ekugqibeleni uJoseph wavunyelwa ukuba makawathathe amacwecwe egolide. Wasebenzisa iYurimi neTumim ukuguqulela amanye awo.

Joseph Smith—Imbali 1:59, 62

Ababhali banceda uJoseph ngokubhala amazwi njengoko wayewaguqulela kumacwecwe egolide.

Joseph Smith—Imbali 1:67

UJoseph wawathatha amagama awayeguqulelwe wawasa kumshicileli kwaye aze enziwa ukuba abe yincwadi.

Imbali yeBandla 1:71

Incwadi ibizwa ngokuba yiNcwadi kaMormoni. Yona ichaza ngabantu ababehlala kwelaseMelika eminyakeni yakudala. Kwaye ikwabalisa ngoYesu Krestu, uNyana kaThixo.

Intshayelelo kwiNcwadi kaMormoni