Isahluko 16

UKumkani uLimhayi kunye Nabantu Bakhe Bayaqhwesha

AmaLeymenayithi athimba uninzi lwamaNifayithi olwalungaqhweshanga noKumkani uNowa. AmaLeymenayithi abathatha aze abanika umhlaba kodwa abenza ukuba ahlawule iirhafu ezinzima.

Mozaya 19:15

AmaNifayithi amenza uLimhayi ikumkani yawo entsha. ULimhayi wayengunyana kaKumkani uNowa, kodwa wayengengo menzi wobubi njengoyise wakhe. Wayeyi ndoda elungileyo.

Mozaya 19:17, 26

UKumkani uLimhayi wazama ukwenza uxolo kunye namaLeymenayithi, kodwa aqhubeka nokukhusela amaNifayithi kwaye ayewakhohlakalele.

Mozaya 19:27–28; 21:3

Ngolunye usuku uKumkani uLimhayi wabona abantu ababengaqhelekanga ngaphandle kwesixeko. Wenza ukuba bafakwe entolongweni. Ababantu babengaqhelekanga yayingamaNifayithi asuka eZarahemla.

Mozaya 21:23–24

Inkokheli yabo yayibizwa ngokuba ngu-Amon. UKumkani uLimhayi wavuya akumbona. Wayesazi ukuba u-Amon wayezakukwazi ukunceda abantu bakhe baqhweshe kumaLeymenayithi.

Mozaya 7:13–15

UKumkani uLimhayi wabiza abantu bakhe ndawonye. Wabakhumbuza ukuba ubungendawo babo yayisisizathu sokubanjwa ngamaLeymenayithi.

Mozaya 7:17, 20

Waxelela abantu bakhe ukuba baguquke, bathembele kuThixo, kwaye bathobele imithetho. Andule uThixo ukwazi ukubanceda baqhweshe.

Mozaya 7:19, 33

AmaNifayithi afunda ukuba amaLeymenayithi ayegade isixeko aqhele ukunxila ngobusuku.

Mozaya 22:6

Ngobabusuku uKumkani uLimhayi wathumela engakumbi iwayini kubagadi njengesipho.

Mozaya 22:10

UKumkani uLimhayi kunye nabantu bakhe bakwazi ukuhamba badlula kubagadi abanxilileyo kwaye baqhwesha.

Mozaya 22:11

U-Amon wakhokelela uKumkani uLimhayi kunye nabantu bakhe entlango ukuya eZarahemla, apho bamkeleka khona.

Mozaya 22:13–14