Isahluko 19

Oonyana bakaMozaya Baba Ngabavangeli

UMozaya wayenoonyana abane: u-Amon, u-Aron, u-Omna noHimnayi. Babekunye no-Alma Omncinane ngelixa ingelosi yayibonakala kuye.

Mozaya 27:11, 34

Oonyana bakaMozaya baye baguquka ezonweni zabo kwaye bezisola ngenkathazo abathi bayibanga. Babesazi ukuba ivangeli iyinyani, kwaye babefuna ukuyifundisa kwabanye.

Mozaya 27:35–36

Nyana ngamnye kaMozaya wala ukuba yikumkani. Endaweni yoko, bafuna ukuba ngabavangeli kumaLeymenayithi kwaye babelane ngeentsikelelo zevangeli nabo.

Mozaya 28:1, 10; 29:3

UKumkani uMozaya wathandazela ukwazi ukuba abavumele na oonyana bakhe ukuba bahambe. UThixo wamxelela ukuba abayeke bahambe, kwaye bayakukhuselwa. AmaLeymenayithi amaninzi ayakukholelwa kumyalezo wabo.

Mozaya 28:6–7

Oonyana bakaMozaya bahamba bayakufundisa amaLeymenayithi. Bazila ukutya futhi kwaye bathandaza ukuba babengabavangeli abalungileyo.

Mozaya 28:9; Alma 17:9