Isahluko 52
Intshabalalo yamaYeredayithi
AmaYeredayithi anda ngokwenani kwaye abanobutyebi. Akhetha ikumkani ukuba ibe yinkokheli yawo.
Iminyaka emininzi yadlula, amaYeredayithi aze akhohlakala. INkosi yathumela abaprofethi ukubaxelela ukuba mabaguquke okanye bazakutshabalala.
Abantu abazange babamamele abaprofethi. Bazama ukubabulala.
Kwakukho iimfazwe nembalela elizweni. AmaYeredayithi amaninzi afa.
INkosi yathumela omnye umprofethi obizwa ngo-Etere. Wayeshumayela ukusukela ekuseni kude kube ngorhatya, exelela amaYeredayithi ukuba mawakholelwe kuThixo kwaye aguquke.
U-Etere waxelela amaYeredayithi ukuba anokukholelwa kuThixo, ngenye imini ayezakuphila noBawo Osezulwini kwilizwe elingcono.
U-Etere waxelela amaYeredayithi izinto ezininzi ezibalulekileyo, kodwa akazange akholelwe kuye. Amenza ukuba ahambe esixekweni.
U-Etere wayezimela emqolombeni ngexesha lasemini ukwenzela ukuba angabulawa. Ebusuku wayephuma phandle kwaye abone into eyayisenzeka kumaYeredayithi.
Wagqiba ukubhala imbali yamaYeredayithi lo gama ezimele.
INkosi yathumela u-Etere kuKoriyantamri, owayengu kumkani wamaYeredayithi akhohlakeleyo. U-Etere wamxelela ukuba makaguquke okanye uyokuba nelishwa lokubona bonke abantu bakhe bebulawa.
UKoriyantamri nabantu bakhe abazange baguquke. Wazama ukubulala u-Etere, kodwa u-Etere wabaleka wazimela emqolombeni.
Abantu babekhohlakele ngeyona ndlela iNkosi yawuqalekisa umhlaba. Babengakwazi ukuzibeka phantsi izixhobo okanye amakrele abo ngoba ngemini elandelayo ezo zinto zaziyakube zimkile.
Onke amaYeredayithi alwa kwiimfazwe, kuquka nabafazi kunye nabantwana. UKoriyantamri wayekhokela omnye umkhosi nenye indoda eyayibizwa ngoShiz yayikhokela omnye umkhosi.
UKoriyantamri noShiz babengamadoda akhohlakeleyo bobabini. UMoya oyiNgcwele wayewashiyile amaYeredayithi ngenxa yenkohlakalo yawo. USathana wayenamandla phezu kwawo.
AmaYeredayithi alwa kwada kwashiyeka uKoriyantamri noShiz kuphela. Ukuwa isiqaqa uShiz ngenxa yokopha, uKoriyantamri wamnqumla intloko yakhe.
Isiprofetho sika-Etere sazaliseka: UKoriyantamri wayengumYeredayithi wokugqibela ophilayo. Wafunyanwa ngabantu baseZarahemla.
U-Etere wagqibezela ukubhala imbali yamaYeredayithi. Ayetshatyalalisiwe ngenxa yenkohlakalo yawo. Iimbali zamaYeredayithi zafunywana kamva ngamaNifayithi.