Isahluko 9: Ikhaya Elitsha Kwilizwe Ledinga

Inqanawe eyayithwele usapho lukaLihayi yawela ulwandle kwaye yafika kwilizwe ledinga. Abantu baze bamisa iintente zabo.

Baqalisa ukulungisa umhlaba baze batyala iimbewu ababeze nazo.

Njengoko babehamba-hamba kwilizwe labo elitsha, baye bafumana iintlobo ezininzi zezilwanyana. Baye bafumana negolide, nesilivere, kunye nekopolo.

1 Nifayi 18:25

UThixo waxelela uNifayi ukuba makenze amacwecwe esinyithi ukuze abhale kuwo. UNifayi wabhala ngosapho lwakhe nehambo yabo. Waye wabhala namazwi kaThixo.

1 Nifayi 19:1, 3

ULihayi waye waba mdala. Ngaphambi kokuba asweleke waye wathetha noonyana bakhe wabaxelela ukuba bathobele imithetho kaThixo. Waze wasikelela nabazukulwana bakhe.

2 Nifayi 1:14, 16; 4:3–11

Emva kokuba uLihayi eswelekile uLeymeni noLemuweli babanomsindo kuNifayi kwaye bafuna ukumbulala. Babengafuni uNifayi, umninawa wabo, ukuba abe yinkokheli yabo.

2 Nifayi 4:13; 5:2–3

INkosi yaxelela uNifayi ukuba akhokele abantu ababelungile ukuba baye entlango. Baye bahamba-hamba iintsuku ezininzi baze ekugqibeleni bema kwilizwe abalibiza ngokuba yiNifayi.

2 Nifayi 5:5–8

Abantu ababelandela uNifayi bamthobela uThixo. Babesebenza ngokuzinikela kwaye babesikelelekile. UNifayi waye wabafundisa abantu bakhe ukuba bakhe ngeenkuni kunye nangeentsimbi. Baye bakha itempile entle.

2 Nifayi 5:10–11, 15–16

Abalandeli bakaLeymeni noLemuweli babebizwa ngokuba bangamaLeymenayithi.

2 Nifayi 5:14

AmaLeymenayithi ayengamthobeli uThixo kwaye asikwa kubukho baKhe. UMoya weNkosi wayengakwazi ukuba nabo kude babe baguqukile.

2 Nifayi 5:20; Etere 2:15

AmaLeymenayithi ayegcwele inkathazo kwaye ayesoloko esilwa namaNifayithi.

2 Nifayi 5:24, 34