Isahluko 24

U-Amon Udibana Notata kaKumkani uLamonayi

UKumkani uLamonayi wayefuna ukuthatha u-Amon ayokumdibanisa noyise wakhe. INkosi yamlumkisa u-Amon ukuba angayi kuba uyise kaLamonayi wayezakuzama ukumbulala.

Alma 20:1–2

Endaweni yoko, iNkosi yaxelela u-Amon ukuba aye kwilizwe laseMidonayi, apho umntakwabo u-Aron wayesentolongweni khona. UKumkani uLamonayi waye wahamba no-Amon.

Alma 20:2–4

Njengoko babehamba badibana notata kaKumkani uLamonayi, owayeyi kumkani kwilizwe lonke. Wabuza uLamonayi ukuba wayesiyaphi nexoki leNifayithi.

Alma 20:8, 10

UKumkani uLamonayi waxelela uyise wakhe ngo-Amon kunye nangomntakwabo osentolongweni. Enomsindo, utata kaLamonayi wayalela uLamonayi ukuba abulale u-Amon kwaye angabisaya eMidonayi.

Alma 20:11–14

ULamonayi wala ukubulala u-Amon kwaye wathi yena no-Amon baya kuyo kukhulula u-Aron. Uyise kaLamonayi waba nomsindo ngakumbi waza watsala ikrele lakhe ezakubulala uLamonayi.

Alma 20:15–16

U-Amon wangena phakathi kwabo ekhusela uLamonayi. Uyise kaLamonayi waze wazama ukubulala u-Amon, kodwa wazikhusela kwaye wonzakalisa ingalo kayise kaLamonayi.

Alma 20:17, 20

Xa uyise kaLamonayi ebona ukuba u-Amon angambulala, wathembisa ukumnika isiqingatha sobukumkani bakhe ukuba anganenceba ngobomi bakhe.

Alma 20:21, 23

U-Amon wathi wayefuna ukuba u-Aron namaqabane akhe bakhululwe entolongweni kwaye uLamonayi akwazi ukugcina ubukumkani bakhe.

Alma 20:22, 24

Uyise kaLamonayi waqonda ukuba u-Amon wayengafuni ukumenzakalisa. Waye wamangazwa yindlela u-Amon awayemthanda ngayo unyana wakhe. Waze wamema u-Amon ukuba amfundise ivangeli.

Alma 20:26–27

U-Amon nokumkani uLamonayi baya eMidonayi. ULamonayi wathetha nekumkani khona apho, kwaze u-Aron namaqabane akhe baye bakhululwa entolongweni.

Alma 20:28

U-Amon wakhathazeka ukubona ukulambatheka kwendlela ababephethwe ngayo. Baye bahlupheka kakhulu kodwa babanomonde.

Alma 20:29