Isahluko 21

Ama-Amlisayithi

U-Amlisayi wayeyindoda ekrele-krele, eyayingumenzi wobubi eyayifuna ukuba yikumkani yamaNifayithi. Wayenabalandeli abaninzi.

Alma 2:1–2

AmaNifayithi anobulungisa ayengafuni u-Amlisayi abeyikumkani yawo. Ayesazi ukuba ufuna ukutshabalalisa iBandla likaThixo.

Alma 2:3–4

AmaNifayithi adibana engamaqela ahlukeneyo athatha isigqibo sokuba u-Amlisayi angaba yikumkani yabo kusini na. Uninzi lwabantu lonyula ngokuchasene no-Amlisayi kwaye akabanga yikumkani.

Alma 2:5–7

U-Amlisayi kunye nabalandeli bakhe babanomsindo. Bawashiya amaNifayithi, benza u-Amlisayi ikumkani yabo, kwaye bazibiza bona ama-Amlisayithi. U-Amlisayi wabayalela ukuba balwe namaNifayithi.

Alma 2:8–11

AmaNifayithi anobulungisa alungiselela ukuzikhusela ngezaphetha nangeentolo, amakrele kunye nezinye izixhobo.

Alma 2:12

Ama-Amlisayithi ehlasela, wona amaNifayithi, awayekhokelwa ngu-Alma omelezwa yiNkosi, abulala abaninzi bawo. Amanye Ama-Amlisayithi aye abaleka.

Alma 2:15–19

U-Alma wathumela iintlola ukuba zijonge ama-Amlisayithi. Iintlola zawabona ezimanya nomkhosi omkhulu wamaLeymenayithi ehlasela amaNifayithi awayehlala kufuphi neZarahemla.

Alma 2:21, 24–25

AmaNifayithi athandaza, uThixo wawanceda kwakhona. Awabulala amajoni amaninzi omkhosi wamaLeymenayithi-Amlisayithi.

Alma 2:28

U-Alma no-Amlisayi balwa bobabini ngamakrele. U-Alma wathandazela ukuba ubomi bakhe bugcinwe, waya uThixo wamnika amandla okubulala u-Amlisayi.

Alma 2:29–31

AmaNifayithi awaleqa amaLeymenayithi nama- Amlisayithi ukuya entlango. Uninzi lwabenzakeleyo lwaswelekela apho lwaza lwatyiwa zizilwanyana zasendle.

Alma 2:36–38

Njengama Leymenayithi, ama-Amlisayithi azinika uphawu olubomvu, oko kwazalisekisa isiprofetho. Ama-Amlisayithi ayethe azikhwebula kwiintsikelelo zevangeli.

Alma 3:4, 14, 18–19