Isahluko 8

Ukuwela uLwandle

INkosi yaxelela uLihayi ukuba athathe usapho lwakhe alungenise kwinqanawe leyo babeyakhile. Bakhwelisa iziqhamo, inyama, nobusi kunye neembewu zokutyala kwilizwe ledinga.

1 Nifayi 18:5–6

lmimoya enamandla yaphephetha inqanawe ukusinga kwilizwe ledinga.

1 Nifayi 18:8

ULeymeni, noLemuweli, kunye nabanye babantu baqalisa ukwenza ububi. Xa uNifayi wayebaxelela ukuba bayeke, baye babanomsindo baze bambophelela ngeentambo.

1 Nifayi 18:9–11

Ngenxa yenkohlakalo yabo, iLiyahona yayeka ukusebenza. Babengazi ukuba bayiqhubele kweliphi icala inqanawe leyo. Inkqwithelo eyoyikekayo yabuyisela emva inqanawe kangangeentsuku ezintathu.

1 Nifayi 18:12–13

ULihayi waxelela uLeymeni noLemuweli ukuba bamkhulule uNifayi, kodwa abazange bamamele. ULihayi noSaraya babekhathazekile kangangokuba bade bagula.

1 Nifayi 18:17

Inkosikazi kaNifayi nabantwana bakhe bakhala. Bacenga uLeymeni noLemuweli ukuba bakhulule uNifayi, kodwa bala.

1 Nifayi 18:19

Ngosuku lwesine inkqwithelo yabandlongo-ndlongo. Inqanawe yaphantse yazika.

1 Nifayi 18:14–15

ULeymeni noLemuweli baye bazi ukuba nguThixo owayeluthumele uqhwithelo. Babesoyika ukuba babezaku tshona elwandle.

1 Nifayi 18:15

Ekugqibeleni uLeymeni noLemuweli baguquka kwaye bamkhulula uNifayi. Nangona izihlahla namaqatha akhe ayedumbile kwaye ebuhlungu zezoontambo, uNifayi wayengazange akhalaze.

1 Nifayi 18:15–16

UNifayi waze waphakamisa iLiyahona, kwaye yasebenza kwakhona. UNifayi wathandaza, waza umoya wapheza. Ulwandle lwaze lwazola.

1 Nifayi 18:21

UNifayi wayiqhuba inqanawe, yahamba yasingisela kwilizwe ledinga.

1 Nifayi 18:22