Isahluko 47: UYesu Krestu uSikelela Abafundi Bakhe

Ngenye imini abafundi bahlangana ndawonye bethandaza, uYesu Krestu wafika kubo.

Abafundi bambuza ukuba balibize ngantoni iBandla. UYesu wathi lingathiywa ngaye ngoba liBandla lakhe.

UYesu wacacisela abafundi bakhe ukuba uBawo oseZulwini wayemthumele emhlabeni ukuze anikele ngobomi bakhe esenzela abantu.

3 Nifayi 27:14

Wathi wonke umntu oguqukayo, abhaptizwe egameni lakhe, kwaye athobela imithetho yakhe uyakufunyaniswa engenatyala phambi koBawo oseZulwini.

3 Nifayi 27:16

UMsindisi wabaxelela abafundi bakhe ukuba benze izinto abambona ezenza. Wayewubekile umzekelo esenzela bona.

3 Nifayi 27:21

Wakwabaxelela ukuba babhale phantsi konke abakubonayo nabakuvayo ukuze abanye bazi ngako.

3 Nifayi 27:23

UYesu wabuza abafundi bakhe ukuba babenqwenela ntoni esuka kuye. Isithoba sabo sasifuna ukuba naye emva kokuba ubomi baso emhlabeni buphelile.

3 Nifayi 28:1–2

UYesu wabathembisa ukuba xa benama–72 eminyaka yobudala, babezakuya kuye ezulwini.

3 Nifayi 28:3

Abanye abathathu abafundi babengafuni ukumcela oko babekufuna, kodwa uYesu wayekwazi. Babefuna ukuhlala emhlabeni kwaye bafundise ivangeli kude kubuye uYesu kwakhona.

3 Nifayi 28:5–6, 9

UMsindisi wabathembisa ukuba babengasokuze bave zintlungu okanye intsizi kwaye babengazokufa. Babeza kufundisa abantu ivangeli ade abuye.

3 Nifayi 28:7–9

UYesu wachukumisa bonke abafundi ngaphandle kwesithathu esasizakuhlala emhlabeni. Waza wahamba.

3 Nifayi 28:12

Abafundi abathathu bathatyathelwa ezulwini

Abafundi abathathu banyukela emazulwini, apho babona baza beva izinto ezininzi ezimangalisayo. Bakwazi ukuqonda ngcono izinto zikaThixo.

3 Nifayi 28:13, 15

Imizimba yabo yatshintshwa ukuze bangafi.

3 Nifayi 28:15

Abafundi abathathu babuyela emhlabeni baza baqalisa ukushumayela nokubhaptiza.

3 Nifayi 28:16, 18

AmaNifayithi akhohlakeleyo aphosela abafundi abathathu entolongweni, nakwimihadi enzulu, kodwa amandla kaThixo abanceda ukuba babe nokuqhwesha.

3 Nifayi 28:19–20

Bakutyhalelwa kwiziko lesinyithi nakwimiqolomba enezilo zasendle, babekhuselwe kwangamandla kaThixo.

3 Nifayi 28:21–22

Ababafundi abathathu baqhubeka ukushumayela ivangeli kaYesu Krestu kumaNifayithi. Basashumayela nangoku ivangeli yakhe.

3 Nifayi 28:23, 27–29