Isahluko 5

Uhambo Entlango

oobhuti behamba entlango

INkosi yayifuna oonyana bakaLihayi ukuba babenabafazi ababezakufundisa abantwana babo ivangeli. Yaxelela uLihayi ukuba athumele oonyana bakhe emva eYerusalem ukuba bayokulanda usapho luka-Ishmayeli.

1 Nifayi 7:1–2

UNifayi uthetha no-Ishmayeli

UNifayi nabantakwabo babuyela eYerusalem. Baxelela u-Ishmayeli into iNkosi eyayifuna ukuba ayenze. U-Ishmayeli wabakholelwa, kwaye yena nosapho lwakhe bahamba noonyana bakaLihayi.

1 Nifayi 7:3–5

ULeymeni noLemuweli baqumbele uNifayi

Xeshikweni babehamba entlango, uLeymeni noLemuweli kunye namanye amalungu osapho luka-Ishmayeli babanomsindo. Babefuna ukubuyela emva eYerusalem.

1 Nifayi 7:6–7

UNifayi uthetha noLeymeni kunye noLemuweli

UNifayi wakhumbuza uLeymeni noLemuweli ngako konke iNkosi ethe yabenzela kona. Wabaxelela ukuba kumele babenokholo olukhulu. Baye babanomsindo kuNifayi kodwa abazange babuyele emva eYerusalem.

1 Nifayi 7:8–13, 16, 21

abalingane bayatshata

UNifayi, nabantakwabo, kunye noZorami baze batshata iintombi zika-Ishmayeli.

1 Nephi 16:7

ULihayi ubamba iLiyahona

INkosi yaxelela uLihayi ukuba aqhubekeke nohambo lwakhe. Ngentsasa elandelayo uLihayi wafumana ibhola yobhedu eyayibizwa ngokuba yiLiyahona ngaphandle kwentente yakhe. Yayisalatha indlela ekwakumele bayihambe entlango.

1 Nifayi 16:9–10

usapho luyahamba

Usapho lukaLihayi lwaqokelela ukutya neembewu lwaza lwaqoqosha neentente zalo. Lwahamba entlango iintsuku ezininzi, lulandela izalathiso zeLiyahona.

1 Nifayi 16:11–16

ukuzingela

UNifayi nabantakwabo babesebenzisa iintolo kunye nezaphetha ukuzingela ukutya njengoko babehamba-hamba.

1 Nifayi 16:14–15

isaphetha siyophuka

Isaphetha sikaNifayi sentsimbi saye sophuka, kwaye nezaphetha zabantakwabo zaphelelwa ngamandla azo. Abantakwabo babengakwazi ukubulala iinyamakazi, ngoko ke wonke umntu wayelambile. ULeymeni noLemuweli babanomsindo.

1 Nifayi 16:18–21

isaphetha somthi

UNifayi wenza isaphetha ngomthi kwaye wabuza utata wakhe ukuba angaya kuzingela phi. ULihayi wafumana izalathiso kwiLiyahona. UNifayi wathi walandela izalathiso kwaye wazifumana iinyamakazi.

1 Nifayi 16:23, 26, 30–31

ULihayi ubambe iLiyahona

ILiyahona yayisebenza kuphela xa usapho lukaLihayi lwalunyanisekile, lunenyameko, kwaye luthobekile.

1 Nifayi 16:28–29

UNifayi ubuya nokutya

UNifayi wabuya neenyamakazi awayethe wazifumana. Wonke umntu wavuya ukufumana ukutya. Babebuhlungu ngokuba babenomsindo, kwaye babulela uThixo ngokubasikelela.

1 Nifayi 16:32

Iintombi zika-Ishmayeli

Ukuhamba-hamba kwakungekho lula. Amaxesha amaninzi usapho lukaLihayi lwaludiniwe, lulambile, kwaye lunxaniwe. U-Ishmayeli waye wasweleka kwaye iintombi zakhe zava buhlungu. Baye bamkhalazela uLihayi.

1 Nifayi 16:34–35

ULeymeni noLemuweli

ULeymeni noLemuweli nabo bakhalaza. Bona babengakholelwa ukuba iNkosi yayithethile noNifayi. Babefuna ukubulala uLihayi kunye noNifayi ukuze babuyele eYerusalem.

1 Nifayi 16:37–38

ULeymeni noLemuweli

Ilizwi leNkosi lathetha noLeymeni kunye noLemuweli. Labaxelela ukuba bangabi nomsindo kuLihayi noNifayi. ULeymeni noLemuweli baye baguquka.

1 Nifayi 16:39

Iphupha likaLihayi

Usapho lukaLihayi lwaqhubeka nohambo lwalo olwalunzima. UThixo waye wabanceda kwaye wabomeleza. Abantwana baye bazalwa. ULihayi noSarayi baye babanabanye oonyana ababini, ababebizwa ngokuba nguYakobi noYosefu.

1 Nifayi 17:1–3; 18:7

usapho luyahamba-hamba

Emva kokuhamba entlango iminyaka esibhozo, usapho lukaLihayi lwafika elunxwemeni. Apho lwafumana iziqhamo kunye nobusi. Lwayithiya indawo ngokuba yiNdyebo.

1 Nifayi 17:4–6