Isahluko 12

UKumkani uBhenjamin

UKumkani uBhenjamin efundisa

UKumkani uBhenjamin wayeyikumkani yamaNifayithi elungileyo. Ngoncedo lwamanye amadoda alungileyo, waye wazisa uxolo elizweni.

Amazwi kaMormoni 1:17–18

UKumkani uBhenjamin noMozaya

UKumkani uBhenjamin waye wabamdala kwaye wayefuna ukuthetha nabantu bakhe. Wayefuna ukubaxelela ukuba unyana wakhe uMozaya wayezakuba yikumkani elandelayo

Mozaya 1:9–10

abantu behlangene etempileni.

Abantu babuya kulo lonke ilizwe kwaye bahlanganela kufuphi netempile. Baye bagxumeka iintente zabo ukuze iminyango yabo ijonge itempile.

Mozaya 2:1, 5–6

UKumkani uBhenjamin uyathetha

UKumkani uBhenjamin wathetha kwinqaba khon’ ukuze amaNifayithi abenakho ukumva.

Mozaya 2:7

AmaNifayithi

Waxelela abantu bakhe ukuba wayesenza okusemandleni ukubasebenzela. Waye wathi indlela yokusebenzela uThixo kukuncedana.

Mozaya 2:14, 17

UKumkani uBhenjamin

UKumkani uBhenjamin wabaxelela abantu ukuba bathobele imithetho kaThixo. Abo bagcina imiyalelo ngokunyanisekileyo bayakuvuya kwaye ngenye imini bayakuphila noThixo.

Mozaya 2:41

usana uYesu kunye noMariya

UKumkani uBhenjamin wathi uYesu Krestu wayezakuzalwa emhlabeni kungekudala. Igama likamama wakhe yayizakuba nguMariya.

Mozaya 3:5, 8

UYesu esenza imimangaliso

UYesu wayezakwenza imimangaliso. Wayezakuphilisa abagulayo, abafileyo ababuyisele ebomini. Wayezakwenza abazimfama babone kwaye abazizithulu beve.

Mozaya 3:5

UYesu ethandaza

UYesu wayezakusokola kwaye afele izono zabantu bonke. Abo bathi baguquke, babe nokholo kuYesu bayakuxolelwa izono zabo.

Mozaya 3:7, 11–12

UYesu ebethelelwa

UKumkani uBhenjamin wawaxelela amaNifayithi ukuba abenzi bobubi babeyoku mtywatyusha uYesu. Babeya kumbethelela emnqamlezweni.

Mozaya 3:9

UYesu efuka ekufeni

Emva kweentsuku ezintathu uYesu wayezakuvuka ekufeni.

Mozaya 3:10

AmaNifayithi eguquka

Emveni kokuba uKumkani uBhenjamin ethethile, amaNifayithi aye awela emhlabeni. Aye azisola ngezono zawo kwaye afuna ukuguquka.

Mozaya 4:1–2

abantu bethandaza

Abantu baba nokholo kuYesu Krestu, kwaye bathandazela ukuba baxolelwe.

Mozaya 4:2

AmaNifayithi encumile

UMoya oyiNgcwele wazizalisa iintliziyo zabo. Babesazi okokuba uThixo wayebaxolele kwaye wayebathanda. Baye baba noxolo kunye novuyo.

Mozaya 4:3

UKumkani uBhenjamin ethetha nabantu

UKumkani uBhenjamin wabaxelela abantu bakhe ukuba bakholelwe kuThixo. Yena wayefuna ukuba bayazi ukuba uThixo wayedale zonke izinto kwaye unobulumko kunye namandla.

Mozaya 4:9

usapho oluthandazayo

UKumkani uBhenjamin wabaxelela abantu ukuba bathobeke kwaye bathandaze yonke imihla. Wayefuna abantu bakhe bahlale bemkhumbula uThixo kwaye banyaniseke.

Mozaya 4:10–11

UKumkani uBhenjamin ethetha

Waxelela abazali ukuba bangavumeli abantwana babo ukuba balwe okanye baxambulisane.

Mozaya 4:14

abazali befundisa abantwana

Wabaxelela ukuba bafundise abantwana babo ukuba bathobeke, bathandane kwaye basebenzisane.

Mozaya 4:15

AmaNifayithi emamele uKumkani uBhenjamin

Wabalumkisa abantu ukuba baqaphele ngento ababeyicinga, ababeyitsho, kunye nababeyenza. Kwakumele ukuba banyaniseke kwaye bagcine imithetho kubomi babo bonke.

Mozaya 4:30

UKumkani uBhenjamin ethetha nabantu

UKumkani uBhenjamin wabuza abantu ukuba babekholelwa kwiimfundiso zakhe. Batsho bonke ukuba babekholelwa. UMoya oyiNgcwele wawubaguqulile, kwaye babengasafuni nokona.

Mozaya 5:1–2

AmaNifayithi encumile

Bonke banqophisa, okanye bathembisa, ukugcina imithetho kaThixo. UKumkani uBhenjamin waba novuyo.

Mozaya 5:5–6

UKumkani uBhenjamin esikelela uMozaya

UKumkani uBhenjamin waye wanika unyana wakhe onguMozaya ilungelo lokuba abe yikumkani entsha. UKumkani uBhenjamin wasweleka emveni kweminyaka emithathu.

Mozaya 6:3, 5

UMozaya esebenza

UMozaya waba yikumkani elungileyo. Wasebenza nzima kwaye wasebenzela abantu bakhe, njengokuba utata wakhe wayenze njalo.

Mozaya 6:6–7