Isahluko 13

UZenif

UZenif kunye neqela lamaNifayithi bashiya amakhaya abo eZarahemla bahamba baya kwilizwe likaNifayi, apho amanye amaNifayithi ayefudula kuhlala khona kuqala.

Omnayi 1:27; Mozaya 9:1

Baye bafumana amaLeymenayithi ehlala apho. UZenif kunye nesine samadoda kumadoda akhe baya esixekweni bayokuthetha nekumkani. Baye bacela ukumkani uLeymeni ukuba babe nokuhlala kumhlaba wakhe.

Mozaya 9:1, 5

Ukumkani uLeymeni wathi babengathabatha izixeko zakhe ezibini. Ikumkani yayifuna ukuba bahlale kumhlaba wayo khon’ ukuze ibenze amakhoboka ayo.

Mozaya 9:6, 10, 12

Abantu bakaZenif baye bakha amakhaya kwaye balungisa iindonga ezazingqonge izixeko zabo. Baye batyala iintlobo ezininzi zeembewu kunye neziqhamo. Kwaye babenayo nemihlambi yezilwanyana.

Mozaya 9:8–9, 12

Ukumkani uLeymeni waxelela abantu bakhe ukuba amaNifayithi aye banamandla amakhulu. Kungekudala amaLeymenayithi amaninzi aye ayakuhlasela amaNifayithi kwaye aba imfuyo kunye nezivuno zawo.

Mozaya 9:11, 13–14

AmaNifayithi abalekela kwisixeko sikaNifayi. Apho uZenif waxhobisa abantu ngezaphetha kunye nangamatolo, nangamakrele, kunye nangezilingi. Aye ahamba ayokulwa namaLeymenayithi.

Mozaya 9:15–16

Ngaphambili kokuba balwe, amaNifayithi aye athandaza, ecela uncedo kuThixo . UThixo wawasikelela amaNifayithi ngamandla angaphaya, kwaye awoyisa amaLeymenayithi.

Mozaya 9:17–18

Emva komlo uZenif waye wabeka abalindi bangqonga izixeko zamaNifayithi. Wayefuna ukukhusela abantu bakhe kunye nemfuyo yabo kumaLeymenayithi.

Mozaya 10:2

AmaNifayithi aye ahlala ngoxolo kangangeminyaka emininzi. Amadoda ayesebenza emasimini, abafazi babethunga besenza iimpahla.

Mozaya 10:4–5

Ukumkani uLeymeni waye wasweleka kwaye unyana wakhe waba yikumkani. Ikumkani entsha yaye yathumela umkhosi wayo ukuba uyokulwa namaNifayithi.

Mozaya 10:6, 8–9

AmaNifayithi kwakhona aye afumana amandla eNkosini. Aye abulala amaLeymenayithi amaninzi, kwaye amanye aye abaleka.

Mozaya 10:10, 19–20