Isahluko 26

Abantu baka-Amon

Oonyana bakaMozaya bafundisa ivangeli kumaLeymenayithi. Amawaka wamaLeymenayithi aguquka kwaye azibandakanya neBandla.

Alma 23:4–5

Loo maLeymenayithi athi azibandakanya neBandla azibiza ngokuba angama Antayi-Nifayi-Lihayi okanye abantu baka-Amon. Babelungile, bengabantu abasebenza nzima.

Alma 23:17–18; 27:26

AmaLeymenayithi awayengazange aguquke abanomsindo kubantu baka-Amon alungiselela ukulwa nabo.

Alma 24:1–2

Abantu baka-Amon babesazi ukuba amaLeymenayithi angendawo ayezakuza ezokubabulala kodwa bagqiba kwelokuba bangalwisani nabo. Babeguqukile ekubulaleni.

Alma 24:5–6

Bangcwaba izixhobo zabo nzulu emhlabeni kwaye bathembisa uThixo ukuba abasoze baphinde babulale kwakhona.

Alma 24:17–18

Xa amaLeymenayithi angendawo esiza kwaye eqalisa ukubabulala, bona baqubudela emhlabeni baze bathandaza.

Alma 24:21

Akubona ukuba abantu baka-Amon abalwisani, uninzi lwamaLeymenayithi lwayeka ukubabulala.

Alma 24:23–24

AmaLeymenayithi ayelusizi kuba aye abulala. Aziphosa phantsi izixhobo zawo kwaye azimanya nabantu baka-Amon. Zange aphinde alwe kwakhona.

Alma 24:24–27

Uninzi lwamaLeymenayithi lwaza kubulala abantu baka-Amon. Nangoko abazange baphindise, kwaye uninzi lwabulawa.

Alma 27:2–3

Kuba engafuni abantu awayebathanda batshatyalaliswe, u-Amon wathandazela uncedo. INkosi yamxelela ukuba athathe abantu bakhe alishiye elo lizwe.

Alma 27:4–5, 10–12

AmaNifayithi eZarahemla anika u-Amon nabantu bakhe umhlaba waseYershan kwaye abakhusela. Baye baba ngabahlobo.

Alma 27:22–23