Isahluko 46

UYesu Krestu uFundisa Aze Athandaze namaNifayithi

AmaNifayithi abona uYesu Krestu exelela abahlobo bawo ukuba yena wayeza kubuya ngosuku olulandelayo. Abantu abaninzi basebenza kanzima kakhulu ukuze bafike apho uYesu wayeza kuba khona.

3 Nifayi 19:2–3

Kusuku olulandelayo uNifayi kunye nabanye abafundi bafundisa iqela elalihlangene. Abafundi baza bathandazela ukuba babenokufumana uMoya oyiNgcwele.

3 Nifayi 19:6–9

UNifayi wangena emanzini kwaye wabhaptizwa. Waza wabhaptiza abanye abafundi.

3 Nifayi 19:11–12

Emva kokuba bebhaptiziwe, abafundi bafumana uMoya oyiNgcwele. Umlilo wakhangeleka ubarhangqile, kwaye zehla iingelosi zisuka ezulwini zabafundisa.

3 Nifayi 19:13–14

Ngethuba iingelosi zazikunye nabafundi, uYesu weza waza wema phakathi kwabo.

3 Nifayi 19:15

UKrestu waxelela onke amaNifayithi ukuba aguqe phantsi. Waxelela abafundi bakhe ukuba bathandaze.

3 Nifayi 19:16–17

Ngethuba bethandaza, uYesu wahamba umganyana ukusuka ebantwini kwaye waguqa phantsi waza wathandaza kuBawo oseZulwini.

3 Nifayi 19:18–20

UYesu wabulela uBawo oseZulwini ngokunika abafundi bakhe uMoya oyiNgcwele. Waza wacela uMoya oyiNgcwele ukuba unikwe nabani na okholelwayo kumazwi wabafundi.

3 Nifayi 19:20–21

UYesu wasikelela abafundi bakhe ngethuba bethandaza. Wabancumela, baza bona babamhlophe okobuso bakhe kwanesinxibo sakhe.

3 Nifayi 19:25

UYesu wabathandazela kwakhona abafundi bakhe. Wayevuyiswa lukholo lwabo olukhulu.

3 Nifayi 19:29, 35

UYesu waxelela abantu ukuba bayeke ukuthandaza kodwa bahlale bethandaze ezintliziyweni zabo. Waza wabanika umthendeleko.

3 Nifayi 20:1–5

Kwakungekho mntu owayeze nesonka okanye iwayini, kodwa uMsindisi wayenza ngendlela engummangaliso.

3 Nifayi 20:6–7

UYesu Krestu waxelela amaNifayithi ukuba ivangeli yayiza kubuyiselwa emhlabeni ngemihla yokugqibela.

3 Nifayi 21:3; 7, 9

Wabaxelela ukuba bafunde izibhalo, kwaye wenza uNifayi ukuba abhale kwiimbali ukufezekiswa kwazo zonke iziprofetho zikaSamuweli umLeymenayithi.

3 Nifayi 23:9–13

Waza uYesu wafundisa abantu okuphuma kwizibhalo. Wabaxelela ukuba bafundisane izinto awabafundisa zona.

3 Nifayi 23:14

UYesu wahamba wabuyela phezulu ezulwini, baza abafundi bakhe bafundisa abanye. Abo bakholelwayo babhaptizwa kwaye bafumana uMoya oyiNgcwele.

3 Nifayi 26:15, 17

AmaNifayithi aqalisa ukuthobela yonke imithetho.

3 Nifayi 26:20