Isahluko 7

Ulwakhiwo Lwenqanawe

Emva kokuba usapho lukaLihayi luhleli ngaselwandle iintsuku ezininzi, iNkosi yaye yathetha noNifayi. Yamxelela ukuba akhe inqanawe yokuthwala usapho lwakhe iluse kwilizwe ledinga.

1 Nifayi 17:7–8

UNifayi wayengakwazi ukwenza inqanawe, kodwa iNkosi yathi izakumbonisa. Yaxelela uNifayi ukuba uya kusifumana phi na isinyithi esikrwada sokwenza izixhobo awayeziswele.

1 Nifayi 17:9–10

ULeymeni noLemuweli bahlekisa ngoNifayi ngokufuna ukwakha inqanawe. Babengakholelwa ukuba iNkosi yayibonise uNifayi ukuba ayenze njani. Baye bala ukumncedisa.

1 Nifayi 17:17–18

UNifayi waxelela uLeymeni noLemuweli ukuba baguquke kwaye bangavukeli. Wabakhumbuza ukuba babebone ingelosi. Wabaxelela kwakhona ukuba uThixo unamandla wokwenza zonke izinto.

1 Nifayi 17:45–46

ULeymeni noLemuweli babanomsindo kuNifayi baze bafuna ukumphosela elwandle.

1 Nifayi 17:48

Njengoko babesondela kuNifayi, yena wabayalela ukuba bangamchukumisi kuba wayezaliswe ngamandla kaThixo. ULeymeni noLemuweli babesoyika kangangeentsuku ezininzi.

1 Nifayi 17:48, 52

Yaze iNkosi yaxelela uNifayi ukuba achukumise uLeymeni noLemuweli. Akwenza uNifayi, iNkosi yabothusa. ULeymeni noLemuweli bayazi into yokuba amandla kaThixo ayenoNifayi.

1 Nifayi 17:53–55

UNifayi waxelela uLeymeni noLemuweli ukuba bathobele abazali babo kwaye bathobele noThixo. UNifayi wathi ukuba banokukwenza njalo, bayakusikelelwa.

1 Nifayi 17:55

ULeymeni noLemuweli baye baguquka kwaye banceda uNifayi ukuba akhe inqanawe.

1 Nifayi 18:1

UNifayi waya entabeni amatyeli amaninzi eyokuthandazela uncedo. INkosi yamfundisa ukuba ayakhe kanjani inqanawe.

1 Nifayi 18:3

Xa uNifayi kunye nabantakwabo begqibile ukwakha inqanawe, baye bayazi ukuba yinqanawe elungileyo yoqobo. Bambulela kuThixo ngokubanceda.

1 Nifayi 18:4