Isahluko 28: AmaZoramayithi kunye neRameyamptam

AmaZoramayithi ayekhe angamalungu eBandla likaThixo kodwa aye abangabenzi bobubi enqula izithixo.

AmaNifayithi ayefuna ukuwathintela amaZoramayithi ekuzimanyeni namaLeymenayithi, ngoko u-Alma waye wahamba nabanye abavangeli ukuya kushumayela ilizwi likaThixo kumaZoramayithi.

Alma 31:4, 11

Aba bavengeli bamangala kwaye bakhathazeka yindlela amaZoramayithi ayenqula ngayo emabandleni awo, awabiza izindlu zesikhungo.

Alma 31:12

Embindini wendlu yesikhungo, amaZoramayithi aye akha iqonga eliphezulu elibizwa iRameyamptam. Kwakukho igumbi lomntu omnye onokuma ngaphezulu.

Alma 31:13, 21

AmaZoramayithi ayethatha amathuba okuma khona, ebhekisa ezulwini kwaye ngengxolo ecengceleza umthandazo omnye.

Alma 31:14, 20

Kulo mthandazo, amaZoramayithi ayesithi uThixo akanawo umzimba; ungumoya kuphela. Kwaye ayesithi akusayi kubakho Krestu.

Alma 31:15–16

AmaZoramayithi ayecinga ukuba uThixo wayekhethe wona kuphela ukuba asindiswe ebukumkanini basezulwini. Anikela imibulelo ngokuba angabantu abazintandane.

Alma 31:17–18

Emveni kokuba umZoramayithi ngamnye ethandazile, bahamba baya emakhaya kwaye abangaze baphinde bathandaze okanye bathethe ngoThixo kwakhona kangangeveki yonke.

Alma 31:12, 23

Izityebi zamaZoramayithi zazithanda igolide nesilivere, kwaye zaziqhayisa ngobutyebi bazo behlabathi. U-Alma wakhathazeka akubona indlela ababesenza ububi ngayo.

Alma 31:24–25

U-Alma wathandazela yena kunye namaqabane akhe ukuba babenamandla, intuthuzelo, kunye nempumelelo emsebenzini wabo.

Alma 31:26, 32–33

Emveni kokucela uncedo ekubuyiseleni amaZoramayithi kwakhona enyanisweni, u-Alma kunye nabanye abavangeli bazaliswa nguMoya Oyingcwele.

Alma 31:34–36

Abavangeli baye bahamba iindlela ezahlukeneyo ukuyokushumayela. UThixo wabasikelela ngokutya kwane mpahla kwanokubomeleza emisebenzini yabo.

Alma 31:37–38

abavangeli befundisa abantu abangamahlwempu

AmaZoramayithi awayengamahlwempu ayengavumelekanga phakathi kwamabandla. Aba bantu baqalisa ukumamela abavangeli.

Alma 32:2–3

Abaninzi babuza u-Alma ukuba benzeni na. U-Alma wabaxelela ukuba kwakungafuneki ukuba babe ngaphakathi kwebandla ukuze bathandaze okanye banqule uThixo.

Alma 32:5, 10–11

Wabaxelela ukuba babenokholo kuThixo. Waza u-Amyuleki wabafundisa ngoYesu Krestu kwanangecebo likaThixo labantwana bakhe.

Alma 32:17–21; 34:8–9

Abavangeli baye bahamba, kwaye amaZoramayithi awayethe abakholelwa aye aphoselwa ngaphandle kwesixeko. Abakholwayo bahamba bayokuhlala kwilizwe likaYershan kunye nabantu baka-Amon.

Alma 35:1–2, 6

Nangona amaZoramayithi angendawo ayegrogrisa abantu baka-Amon, abantu baka-Amon banceda amaZoramayithi angamalungisa kwaye bawanika ukutya, iimpahla, kwakunye nomhlaba.

Alma 35:8–9