Isahluko 20

U-Alma noNehore

Phambi kokuba uKumkani uMozaya asweleke, amaNifayithi onyula abagwebi ukuba babakhokele. U-Alma Omncinane waba ngumgwebi wokuqala oyintloko. Waya ekwayinkokheli yeBandla.

Mozaya 29:41–42

Indoda enkulu, enamadla egama linguNehore yaqalisa ukufundisa ubuxoki. Yathi umntu wonke uyakuthi asindiswe kungakhathaliseki nokuba ulungile okanye akalunganga. Abantu abaninzi bamkholelwa uNehore.

Alma 1:2–5

UNehore wafundisa okuchasene neBandla likaThixo, kodwa indoda elilungisa egama linguGidiyon yalikhusela lona. UNehore waxambulisana noGidiyon, kodwa uGidiyon wathetha ngamazwi kaThixo.

Alma 1:7–8

UNehore waba nomsindo kwaye watsala ikrele lakhe waza wabulala uGidiyon.

Alma 1:9

UNehore waye wabanjwa wasiwa ku-Alma ayoku kugwetywa. UNehore wazithethelela ngokukhalipha.

Alma 1:10–11

Kodwa u-Alma wathi uNehore wayenetyala kuba wafundisa abantu ukuba babenobugwenxa kwaye wayebulele uGidiyon.

Alma 1:12–13

U-Alma wathi uNehore kwakufuneka ohlwayelwe ukubulala uGidiyon. Ngokomthetho, uNehore kwakufuneka afe.

Alma 1:14

UNehore wathatyathwa wasiwa kwinduli ekufuphi waza wabulawa. Phambi kokuba asweleke wathi yonke into ebeyifundisa yayingalunganga. Kodwa abantu abaninzi babesazikholelwa iimfundiso ezingendawo zikaNehore.

Alma 1:15–16

Aba bantu babethanda ubutyebi kwaye babengayithobeli imithetho kaThixo. Babehlekisa ngamalungu eBandla bexambulisana kwaye besilwa nawo.

Alma 1:16, 19–20, 22

Abantu abangamalungisa baqhubeka bethobela imithetho kwaye babengakhalazi noxa abalandeli bakaNehore babebavisa ubuhlungu.

Alma 1:25

Amalungu eBandla ayesabelane ngento yonke wayenayo namahlwempu, kwaye ekhathalele abagulayo. Ayeyithobela imithetho, kwaye uThixo wayewasikelela.

Alma 1:27, 31