Isahluko 50

AmaYeredayithi Ashiya iBhabheli

UYerede nomntakwabo babengamadoda anobulingisa awayehlala kwisixeko esasibizwa iBhabheli. Babephila kumakhulu-khulu eminyaka phambi kwamaNifayithi.

Etere 1:33; Genesis 11:9

Uninzi lwabantu eBhabheli lwalukhohlakele. Bazama ukwakha inqaba bezama ukufika ezulwini. INkosi yabanomsindo yatshintsha ulwimi lwabo.

Genesis 11:4, 7

UYerede wacela umntakwabo athandaze acele iNkosi ukuba ingalutshintshi ulwimi lweentsapho nezihlobo zabo.

Etere 1:34

Umntakwabo Yerede wathandaza, yaza iNkosi yawuphendula umthandazo wakhe. UYerede, umntakwabo, neentsapho nezihlobo zabo babesavisisana ngentetho.

Etere 1:35–37

INkosi yamxelela umntakwabo Yerede ukuba ahlanganise usapho lwakhe nezihlobo zakhe balishiye ilizwe. Bathabatha imfuyo yabo nazo zonke iintlobo zeembewu.

Etere 1:41–42

INkosi yathi izakuwakhokela amaYeredayithi ukuya kwilizwe ledinga.

Etere 1:42

AmaYeredayithi abambisa iintaka neentlanzi ukuba ahambe nazo.

Etere 2:2

Bathatha amabubu eenyosi zobusi.

Etere 2:3

AmaYeredayithi ahamba esingisa entlango. INkosi yathetha nabo kwilifu kwaye yabaxelela ukuba yeyiphi indlela amabayithathe.

Etere 2:5

INkosi yathi abantu abahlala kwilizwe ledinga kufuneka bamkhonze uThixo okanye baya kutshatyalaliswa.

Etere 2:7–8

Athi akufika elunxwemeni amaYeredayithi, agxumeka iintente zawo. Ahlala ngaselwandle iminyaka emine.

Etere 2:13