Isahluko 42: Iimpawu zokuBethelelwa kukaKrestu

Amashumi amathathu anesithathu eminyaka ayegqithile ukususela ngoko abantu babebone iimpawu zokuzalwa kukaYesu Krestu.

3 Nifayi 8:2

Bona ngoku babejonge uphawu lokufa kwakhe: iintsuku ezintathu zobumnyama.

3 Nifayi 8:3

Abanye babengakholelwa ukuba uphawu lwaluza kufika. Bona babephikisana nabo babekholelwa.

3 Nifayi 8:4

Ngenye imini isaqhwithi esinamandla safika. Kwabakho umoya owoyikekayo.

3 Nifayi 8:5–6

Umbane wadanyaza, kwaye iindudumo zashukumisa umhlaba wonke.

3 Nifayi 8:6–7

Isixeko iZarahemla satsha. Isixeko sikaMoronayi sazika elwandle. Isixeko sikaMoronayiha sangcwabeka.

3 Nifayi 8:8–10

Inyikima yashukumisa umhlaba wonke. Oohola bendlela babeqhekekile, kwaye izakhiwo zadilika. Izixeko ezininzi zatshatyalaliswa, kwaye abantu abaninzi babulawa.

3 Nifayi 8:12–15

Isaqhwithi kunye nenyikima zenzeka kangangeeyure ezintathu.

3 Nifayi 8:19

Ekupheleni kwesaqhwithi nenyikima, intsunguzi yobumnyama yagubungela ilizwe. Kwakungekho kukhanya naphi na. Abantu babenako ukubuva obo bumnyama.

3 Nifayi 8:19–20

Ubumnyama babakho iintsuku ezintathu. Amakhandlela ayengenako ukuvutha, kwaye abantu babengenako ukubona ilanga, inyanga, okanye iinkwenkwezi.

3 Nifayi 8:21–23

Abantu balila ngenxa yobobumnyama, intshabalalo, kunye nokufa. Bazisola ngokungaguquki kwizono zabo.

3 Nifayi 8:23–25

Baze abantu beva ilizwi likaYesu Krestu.

3 Nifayi 9:1, 15

Ilizwe elitshatyalalisiweyo lisebumnyameni

UYesu wabaxelela ngentshabalalo eyoyikekayo kwilizwe. Waze wathi abona bantu babekhohlakele kakhulu babebulewe.

3 Nifayi 9:12–13

Waze watsho ukuba abo babengabulewanga kwakufuneka baguquke. Ukuba babenze njalo kwaye baze kuye, yena wayeza kubasikelela.

3 Nifayi 9:13–14

Abantu babemangaliswe kakhulu emva kokuva ilizwi bade bayeka nokulila. Yonke into yayithe cwaka kangangeeyure ezininzi.

3 Nifayi 10:1–2

Waza uYesu wathetha kwakhona, esithi yena wayemana ezame ukunceda abantu. Ukuba babe nokuguquka ngoku, bona babe senako ukubuyela kuye.

3 Nifayi 10:3–6

Emva kweentsuku ezintathu ubumnyama bemka. Abantu bagcoba kwaye ngovuyo babulela iNkosi.

3 Nifayi 10:9–10