Isahluko 53
UMoronayi neeMfundiso Zakhe
Emveni kokuba uMormoni eswelekile, uMoronayi wasala yedwa. Wagqibezela iimbali ezingcwele utata wakhe ayemnike zona.
UMoronayi wayesazi ukuba ngenye imini amacwecwe egolide ayeyakukhutshwa ngaphantsi komhlaba.
Amazwi akumacwecwe egolide achaza ngoYesu Krestu. Asinika ubungqina kwaye afundisa abantu ngokuphila ngobulungisa.
AmaLeymenayithi anenkohlakalo abulala onke amaNifayithi awayengamkhanyeli uYesu Krestu.
UMoronayi wayengasokuze amkhanyele uYesu Krestu. Wayehamba ejikeleza, ezimela amaLeymenayithi.
UMoronayi wabhala ngokongezelekileyo kumacwecwe egolide, ebhalela ngakumbi amaLeymenayithi emihla yokugqibela.
Wabhala izinto ezininzi ezibalulekileyo, eziquka amazwi emithandazo yomthendeleko.
UMoronayi wabhala wathi abantu abanokuthi babhaptizwe ngabo kuphela abazimiseleyo ukuguquka ezonweni zabo baze bakhonze uYesu Krestu.
UMoronayi wayefuna wonke umntu akholelwe kuYesu Krestu kwaye azi ngaye. Wathi yonke into elungileyo ivela kuKrestu.
UMoronayi wabhala ngelithi ukuba abantu bayamthanda uThixo kwaye bayamlandela, banganako ukugqibelela.
UMoronayi wayesazi ukuba emveni kokuba efile uyakuvuswa kwaye aphile noBawo Osemazulwini kunye noYesu Krestu.