Isahluko 30

U-Alma Ucebisa Oonyana Bakhe

U-Alma wayengonwabanga ngenxa yokungendawo athe amaNifayithi abakubo. Waye wathetha konyana bakhe ngamnye ngokuphila ngobulungisa.

Alma 35:15–16

U-Alma waxelela uHilamani, unyana wakhe omdala, ukuba athembele kuThixo. Wamxelela ngengelosi uThixo awathi wayithumela ukuba ixelele u-Alma ukuba ayeke ukutshabalalisa iBandla.

Alma 36:3, 6

Kangangeentsuku ezintathu u-Alma waye wabakwimbandezelo ngenxa yesazela sakhe. Waza wakhumbula iimfundiso zikayise wakhe ezimalunga noYesu, kwaye wayazi ukuba unokuxolelwa izono zakhe.

Alma 36:16–17

U-Alma wathandazela ukuba axolelwe, kwaye waba novuyo endaweni yentlungu emphefumlweni wakhe. Waxolelwa kuba wayenokholo kuYesu Krestu kwaye wayeguqukile.

Alma 36:18–20

Ukususela ngoko u-Alma waya wafundisa abanye ivangeli ukuze babenokufumana uvuyo aluvileyo. UThixo wayemsikelele u-Alma ngenxa yokuthembela kwakhe kuThixo.

Alma 36:24, 27

U-Alma wanika uHilamani amacwecwe angcwele kwaye wamxelela ukuba aqhubeke ukubhala imbali yabantu babo.

Alma 37:1–2

U-Alma wamyalela ukuba wayenokugcina imithetho, uThixo wayeyakumsikelela kwaye amncede akhusele amacwecwe.

Alma 37:13, 16

U-Alma waxelela uHilamani kwakhona ukuba athandaze rhoqo ekuseni nasebusuku kwaye athethe noThixo ngayo yonke into awayeyenza ukwenzela uThixo azokumnceda amkhokele.

Alma 37:36–37

U-Alma wayonwabile ngonyana wakhe uShiblani, owayengumvangeli okhaliphileyo kumaZoramayithi. UShiblani wayehleli ethembekile ngelixa babemxulutya ngamatye.

Alma 38:3–4

U-Alma wakhumbuza uShiblani ukuba inye indlela qha yokusindiswa ikuYesu Krestu. U-Alma waye wamkhuthaza unyana wakhe ukuba aqhubeke efundisa ivangeli.

Alma 38:9–10

Unyana ka-Alma uKoreyantan wayengayigcini imithetho. Wayengenguye umvangeli onyanisekileyo ngelixa wayefundisa amaZoramayithi.

Alma 39:2–3

Ngenxa yento uKoreyantan awayethe wayenza, amaZoramayithi akabanga nokuzikholelwa iimfundiso zika-Alma.

Alma 39:11

U-Alma waxelela uKoreyantan ukuba abantu abanakho ukufihla izono zabo kuThixo kwaye uKoreyantan kwakufuneka aguquke.

Alma 39:8–9

U-Alma wafundisa unyana wakhe ukuba wonke umntu uyakuthi avuke kodwa ngamalungisa kuphela ayakuthi aphile noThixo.

Alma 40:9–10, 25–26

Obu bomi lixesha lokuba abantu baguquke baze basebenzele uThixo, watsho u-Alma.

Alma 42:4

Ekhumbuza uKoreyantan ukuba ubizwe abe ngumvangeli, u-Alma wamxelela ukuba abuyele kumaZoramayithi kwaye afundise abantu ukuba baguquke.

Alma 42:31

U-Alma noonyana bakhe baqhubeka nokufundisa ivangeli. Bafundisa ngamandla obubingeleli.

Alma 43:1–2