Isahluko 34

UHilamani kunye nama-2000 aMajoni angaMagatyana

Abantu baka-Amon babethembise uThixo ukuba babengasayi kulwa kwakhona. Bona babehlala kufuphi namaNifayithi, kwaye amaNifayithi ayebakhusela.

Alma 53:10–12

Xa iintshaba zabantu baka-Amon zahlasela amaNifayithi, abantu baka-Amon babefuna ukusophula isithembiso sabo kwaye bancede amaNifayithi ekulweni.

Alma 53:13

UHilamani kunye nezinye iinkokheli zamaNifayithi babengafuni ukuba abantu baka-Amon bophule isithembiso sabo kuThixo.

Alma 53:14–15

Oonyana abasakhulayo babantu baka-Amon babengasenzanga isithembiso. Bona babefuna ukunceda umkhosi wamaNifayithi ekulweleni inkululeko.

Alma 53:16–17

Amawaka amabini alamadodana akhetha ukukhusela ilizwe lawo. Wona acela uHilamani ukuba abe yinkokheli yawo.

Alma 53:18–19

La madodana ayekhaliphile, enobugorha, kwaye omelele. Ayekwanyanisekile ethembekile, kwaye eyigcinile imithetho kaThixo.

Alma 53:20–21

UHilamani wakhokela ama-2000 wamajoni wakhe angamagatyana ukuya emfazweni. Yena wayebabiza ngokuba ngoonyana bakhe, kwaye bona babembiza ngokuba ngutata wabo.

Alma 53:22; 56:46

Nangona oonyana bakaHilamani babengazange bakhe balwe, bona babengoyiki. Oomama babo babebafundise ukuba babe nokholo kuThixo kwaye bazi ukuba yena wayeya kubanceda.

Alma 56:47

UHilamani noonyana bakhe balwa iimfazwe eziliqela namaLeymenayithi. La madodana ayithobela yonke imiyalelo kaHilamani.

Alma 57:19–21

Alwa ngobugorha kwaye anceda ekuqhubeleni utshaba kude. Emva kwemfazwe uHilamani wafumanisa ukuba bonke oonyana bakhe babonzakele kodwa kungekho namnye ubuleweyo.

Alma 57:22, 25

Oku kwakungummangaliso. UHilamani wayonwabela kakhulu loo nto. Yena wayesazi ukuba la madodana ayekhuselwe ngenxa yokholo lwawo olukhulu kuThixo.

Alma 57:26–27