Ako ʻo e Tokāteliné
Fakatupú
Naʻe fakatupu ʻe Sīsū Kalaisi ʻa e langí mo māmani ʻi he malumalu ʻo e fakahinohino ʻa e Tamai Hēvaní (vakai, Mōsaia 3:8; Mōsese 2:1). Ko e Fakatupú ko ha konga mahuʻinga ia ʻo e palani ʻa e Tamai Hēvaní ki he fakamoʻui. ʻOkú ne ʻomi kiate kitautolu takitaha ʻa e faingamālie ke haʻu ai ki he māmaní, ʻa ia te tau maʻu ai ha sino pea fakaʻaongaʻi ʻetau tauʻatāina ke filí.
Vakai Fakalūkufuá
Naʻe fakatupu ʻe Sīsū Kalaisi ʻa e langí mo māmani ʻi he malumalu ʻo e fakahinohino ʻa e Tamai Hēvaní (vakai, Mōsaia 3:8; Mōsese 2:1). ʻOku tau ʻilo mei he folofola naʻe fakahā mai ʻo fakafou ʻi he Palōfita ko Siosefa Sāmitá, naʻe fokotuʻutuʻu ʻe he ʻEikí ʻi he ngāue ki hono Fakatupu ʻo e māmaní ha ngaahi meʻa naʻe ʻosi ʻi ai (vakai, ʻĒpalahame 3:24). Naʻe ʻikai ke Ne fakatupu ʻa e māmaní “taʻe ʻi ai ha meʻa,” ʻo hangē ko ia ʻoku tui ki ai ha kakai ʻe niʻihi.
ʻOku toe akoʻi mai foki ʻe he folofolá ko ʻĀtama ʻa e “ʻuluaki tangata ʻi he kakai kotoa peé” (Mōsese 1:34). Naʻe fakatupu ʻe he ʻOtuá ʻa ʻĀtama mo ʻIvi ʻi Hono ʻīmisí pea ʻi he ʻīmisi ʻo Hono ʻAlo pē Taha naʻe Fakatupú (vakai, Mōsese 2:26–27).
Ko e Fakatupú ko ha konga mahuʻinga ia ʻo e palani ʻa e Tamai Hēvaní ki he fakamoʻuí. ʻOkú ne ʻomi kiate kitautolu takitaha ʻa e faingamālie ke haʻu ai ki he māmaní, ʻa ia te tau maʻu ai ha sino pea fakaʻaongaʻi ʻetau tauʻatāina ke filí. ʻI he Fakataha Alēlea ʻa e Ngaahi ʻOtuá ʻi he maama fakalaumālié, naʻe fakahoko ai ʻa e fanongonongo ko ʻení: “Te tau ʻalu hifo, he ʻoku ʻi hena ha vahaʻa ʻataʻatā, pea te tau toʻo mei he ngaahi meʻá ni, pea te tau ngaohi ha māmani ʻa ia ʻe lava ke nofo ai ʻa kinautolú ni; pea te tau siviʻi ʻa kinautolu ʻi he meʻá ni, ke vakai pe te nau fai ʻa e ngaahi meʻa kotoa pē ʻe fekau ʻe he ʻEiki ko honau ʻOtuá kiate kinautolú” ( ʻĒpalahame 3:24–25).
Lekooti e Ngaahi Ongo ʻOkú ke Maʻú
Ngaahi Tefito Fekauʻakí
Ngaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Fakatupú”
Ngaahi Pōpoaki mei he Kau Taki ʻo e Siasí
Ngaahi Pōpoaki Lahi Angé
Ngaahi Maʻuʻanga Tokoni Fakaakó.
Ngaahi Makasini ʻa e Siasí
Diane L. Mangum, “Naʻe Fakatupu ʻe he Tamai Hēvaní mo [e ʻEikí] ʻa e Māmaní,” Liahona, Fēpueli 2010
“Naʻe Fakatupu ʻa e Māmaní maʻá e Fānau ʻa e Tamai Hēvaní,” Liahona, Fēpueli 2013
Ngaahi Tohi Lēsoni Akó
Ngaahi Akonaki ʻa e Kau Palesiteni ʻo e Siasí
Ngaahi Talanoá
Ngaahi Maʻuʻanga Tokoni Ki Hono Akoʻí
Ngaahi Fokotuʻutuʻu Ki Hono Akoʻí