Vahe 1: ʻIlisapeti mo Sakalia

Zacharias and Elisabeth praying for a child - ch.1-1

Ko Sakalia mo hono mali ko ʻIlisapetí, ko e ongo Siu naʻá na nofo ofi pē ki Selusalema. Naʻá na talangofua ki he ngaahi fekau ʻa e ʻOtuá. Naʻá na lotu he ngaahi taʻu lahi ke maʻu haʻana pēpē. Naʻá na aʻu pē ʻo vaivai ʻoku teʻeki maʻu haʻana fānau.

Luke 1:5–7, 13

The angel Gabriel appearing to Zacharias in the temple. ch.1-2

Ko Sakaliá ko e taulaʻeiki ia he temipalé. ʻI he ʻaho ʻe taha naʻe haʻu ha ʻāngelo ko Kepaleli hono hingoá kiate ia. Naʻe pehē ʻe Kepaleli ʻe tali ʻe he ʻOtuá ʻa e ngaahi lotu ʻa Sakalia mo ʻIlisapetí. Te na maʻu ha pēpē. Naʻe pehē ʻe Kepaleli ʻoku totonu ke na fakahingoa ʻa e pēpeé ko Sione.

Luke 1:8–13, 19

The angel Gabriel talking to Zacharias in the temple. ch.1-3

Naʻe pehē ʻe Kepaleli ʻe hoko ʻa Sione ko ha palōfita angatonu ʻa e ʻOtuá. Te ne akoʻi e kakaí ʻo kau kia Sīsū Kalaisi.

Luke 1:15–17

The angel Gabriel is speaking with Zacharias in the temple. ch.1-4

Naʻe ʻikai ke tui ʻa Sakalia ki he ʻāngeló. Naʻe fuʻu motuʻa ʻa ʻIlisapeti ke maʻu ha pēpē. Naʻe pehē ʻe Kepaleli koeʻuhí ko e ʻikai ke ne tui ki he meʻa kuo talaʻofa ange ʻe he ʻOtuá, te ne (Sakalia) noa kae ʻoua kuo fanauʻi mai ʻa Sione.

Luke 1:18–20