Vahe 12
Ko e Taʻane ʻi Kená
Naʻe fakaʻapaʻapaʻi mo ʻofaʻi ʻe Sīsū ʻEne faʻeé. Naʻá Ne fehuʻi ange ki ai pe ko e hā e meʻa ʻokú ne loto ke Ne faí.
Sione 2:4 (vakai, footnote 4a)
Naʻe tala ʻe Mele ki he kau tauhi ʻi he taʻané ke fai e meʻa kotoa pē naʻe talaange ʻe Sīsū kiate kinautolú.
Naʻe tala ʻe Sīsū ki he kau tauhí ke fakafonu vai e hina maka ʻe ono. Ko e hina maka ʻe taha naʻe lava ke ʻi ai e vai kālani ʻe 18 ki he 27 (lita ʻe 68 ki he 102). Naʻá Ne toki liliu leva e vaí ke uaine.
Naʻá Ne fakahā ki he kau tauhí ke ʻomi e uaine mei he ngaahi hiná ʻo ʻave ki he pule ʻo e kātoangá.
Naʻe ʻohovale e pule ʻo e kātoangá ʻi heʻene inu e uainé. Naʻe angamaheni ʻaki hono ʻuluaki tufaki e uaine leleí ʻi he kamataʻanga ʻo e kātoanga. Ka ko ʻeni, naʻe toki fakamuimui mai e uaine lelei tahá.
Ko e fuofua mana ʻeni ne hiki ne fakahoko ʻe Sīsū lolotonga ʻEne moʻui he māmaní. Naʻá Ne fai ia ke tokoni ki Heʻene faʻeé. Naʻe tokoni foki ia ke fakamālohia e tui ʻEne kau ākongá.