Vahe 51: Ko e Mamahi ʻa Sīsū ʻi he Ngoue ko Ketisemaní

Jesus and His Apostles go to the Garden of Gethsemane - ch.51-1

Naʻe ʻalu ʻa Sīsū mo e Kau ʻAposetoló ki he Ngoue ko Ketisemaní. Naʻe ʻikai ke nau ō mo Siutasi. Naʻá ne ʻalu ke tala ki he kau taki ʻo e kau Siú ʻa e feituʻu naʻe ʻi ai ʻa Sīsuú.

Mātiu 26:36; Maʻake 14:43; Sione 18:2–3

Jesus asks Peter, James and John to go with Him into the garden and wait there - ch.51-2

Naʻe kole ʻa e Fakamoʻuí kia Pita, Sēmisi mo Sione ke nau ō ki he ngoué. Naʻá Ne kole ange ke nau tatali ka Ne ʻalu ʻo lotu.

Mātiu 26:36–39; Maʻake 14:33–35

Naʻe ʻilo ʻe Sīsū naʻe fie maʻu ke Ne mamahi koeʻuhí ko e ngaahi angahala ʻa e kakaí kotoa. Naʻe ʻikai te Ne loto ke mamahi, ka naʻá Ne fili ke talangofua ki he Tamai Hēvaní.

Mātiu 26:39–44

Jesus sees Peter, James, and John sleeping and asks them to stay awake - ch.51-4

Naʻe māʻumohe ʻa Pita, Sēmisi mo Sione lolotonga e lotu ʻa Sīsuú. Naʻe haʻu ʻa Sīsū ʻo ʻiloʻi ʻenau mohé. Naʻá Ne kole ange ke nau ʻāʻā.

Mātiu 26:40–41

Jesus finds Peter, James, and John sleeping again - ch.51-5

Naʻá Ne toe ʻalu ʻo lotu. Naʻe fakaʻamu ʻa Pita, Sēmisi mo Sione ke nau ʻāʻā, ka naʻa nau fuʻu ongosia. Naʻa nau toe mohe. Naʻe toe ʻiloʻi pē ʻe Sīsū ʻenau mohé. Naʻá Ne toe ʻalu ʻo lotu ko hono tuʻo tolú ia.

Mātiu 26:42–44

Jesus suffers for the sins of all people - ch.51-6

Lolotonga e lotu ʻa Sīsuú, naʻá Ne kamata ke tete koeʻuhí ko e mamahí. Naʻe ʻalu hifo ha ʻāngelo ke fakamālohia Ia. Naʻá Ne fuʻu mamahi lahi pea naʻá Ne tautaʻa ko e toto. Naʻá Ne mamahi koeʻuhí ko ʻetau ngaahi angahalá kotoa koeʻuhí ke lava ʻo fakamolemoleʻi kapau te tau fakatomala.

Luke 22:41–44; Tokāteline mo e Ngaahi Fuakavá 19:16–19

Jesus wakes up Peter, James, and John and tells them He will be betrayed - ch.51-7

Naʻe fafangu ʻe Sīsū ʻa Pita, Sēmisi mo Sione. Naʻá Ne fakahā kiate kinautolu ʻe lavakiʻi Ia pea tamateʻi. Naʻe pehē ʻe Sīsū ʻe haʻu ʻa e kakai anga koví ke ʻave Ia.

Mātiu 26:45–46