Vahe 7
Ko e Kau Tangata Potó
Naʻe ʻi ai ha kau tangata poto ʻi ha fonua ʻe taha. Naʻa nau ʻilo ʻa e meʻa kuo lea ʻaki ʻe he kau palōfitá ʻo kau ki he ʻaloʻi ʻo Sīsuú. ʻI heʻenau mamata ki he fetuʻu foʻou ʻi he langí, ne nau ʻiloʻi kuo ʻaloʻi mai ha tuʻi foʻou.
Ne ō e Kau Tangata Potó kia Hēlota, ko e tuʻi ʻo e kau Siú, ʻi Selusalema. Naʻa nau ʻeke ange kiate ia pe ʻoku ʻi fē ʻa e tuʻi foʻoú. Naʻe tala ange ʻe Hēlota ke nau kumi ʻi Pētelihema. Ka naú ka ʻilo ʻa e pēpeé pea nau foki mai ʻo fakahā kia Hēlota.
Naʻe ō e Kau Tangata Potó ki Pētelihema ʻo nau ʻilo ʻa Sīsū. Naʻa nau hū kiate Ia mo ʻoange ha ngaahi meʻaʻofa. Ne fakahā kiate kinautolu ʻi ha misi ke ʻoua te nau toe foki ki Selusalema ʻo fakahā kia Hēlota ʻa e feituʻu naʻe ʻi ai ʻa e pēpeé. Naʻe ʻikai ke nau [toe foki ai].