Vahe 4
Siosefa mo e ʻĀngeló
Ko e tangata lelei mo angaʻofa ʻa Siosefa. Ne teu ke ne mali mo Mele. ʻI heʻene ʻiloʻi kuo feitama ʻa Melé, naʻe ʻikai ke ne ʻiloʻi pe ko e hā e meʻa te ne faí. Koeʻuhí naʻe ʻikai ko haʻane pēpē, naʻá ne fakakaukau he ʻikai ke na mali.
ʻI ha pō ʻe taha ne hā ha ʻāngelo kia Siosefa ʻi ha misi ʻo ne tala ange ki ai ko e pēpē ʻa Melé ko e ʻAlo ia ʻo e ʻOtuá. Ne fakahā ʻe he ʻāngeló kia Siosefa ke mali mo Mele pea fakahingoa e pēpeé ko Sīsū. Ko Sīsuú ko e Fakamoʻui ia ʻo e māmaní.
Naʻe talangofua ʻa Siosefa ki he ʻāngeló ʻo ne mali mo Mele.