Vahe 37

Ko e Kau Kilia ʻe Toko Hongofulú

Jesus sees ten lepers - ch.38-1

Naʻe fononga ʻa Sīsū ki ha kiʻi kolo peá Ne mamata ai ki ha kau kilia ʻe toko hongofulu. Ko e kau kiliá ko e kakai ʻoku puke. ʻOku fakatupu ʻe honau puké ha ngaahi pala fakamanavahē ʻi honau sinó kotoa.

Luke 17:12

People are afraid to go near the lepers - ch.38-2

Naʻe ʻikai lava ʻe he kau toketaá ʻo fai ha tokoni ki he kau kiliá. Naʻe manavahē e kakaí ke ofi kiate kinautolu. Naʻe ʻikai foki ke nau fie puke mo kinautolu.

Luke 17:12

The lepers ask Jesus to heal them - ch.38-3

Naʻe kole ʻe he kau kiliá kia Sīsū ke fakamoʻui kinautolu. Naʻa nau ʻiloʻi te Ne lava ʻo fakamoʻui honau palá.

Luke 17:13

Jesus sent the lepers to the priests - ch.38-4

Naʻe loto ʻa Sīsū ke nau sai. Naʻá Ne tala ange ke nau ō ʻo fakahā kinautolu ki he kau taulaʻeikí.

Luke 17:14

The lepers are healed on their way to see the priest - ch.38

Lolotonga e fononga ʻa e kau kilia ʻe toko hongofulú ki he kau taulaʻeikí, naʻe fakamoʻui kinautolu. Ne mole atu honau palá.

Luke 17:14

One leper returns to thank Jesus - Jesus asks where the other nine are - ch.38-6

Naʻe ʻiloʻi ʻe he tokotaha ʻo e kau kiliá kuo fakamoʻui kinautolu ʻe Sīsū. Naʻá ne foki ke fakamālō kiate Ia. Naʻe fehuʻi ange ʻe Sīsū pe ko e fē ʻa e kau kilia ʻe toko hiva ko eé. Kuo ʻikai ke nau foki mai aí. Naʻe talaange ʻe Sīsū ki he tangata kilia kuó ne fakamālō kiate Iá kuo fakamoʻui ia ʻe heʻene tuí.

Luke 17:15–19