Vahe 47: Ko e Kau Taupoʻou ʻe Toko Hongofulú

Ten virgins wait at the door for the bridegroom - ch.47-1

Naʻe fai ʻe Sīsū ha talanoa ki he kau finemui ʻe toko hongofulu naʻa nau ō ki ha taʻane. Naʻa nau tatali ki he tangata taʻané ke haʻu ʻo fakahū kinautolu ki loto. Naʻe ʻikai te nau ʻilo pe ʻe haʻu fakakū.

Mātiu 25:1, 13

The wise virgins have extra oil for their lamps - ch.47-2

Naʻe ulo e ngaahi maama lolo ʻa e kau fefine ʻe toko hongofulú. Naʻe poto ʻa e kau fefine ʻe toko nima. Naʻe ʻi ai ʻenau lolo lahi ange.

Mātiu 25:2, 4

The foolish virgins had only the oil in their lamps - A woman stands looking at a lamp she holds in her hands - ch.47-3

Naʻe vale e kau fefine ʻe toko nima ko eé. Ko e lolo pē naʻa nau maʻú ʻa ē naʻe ʻi heʻenau ngaahi māmá.

Mātiu 25:3

The five wise virgins put extra oil in their lamps while the five foolish go to find more oil - ch.47-4

Ne fuoloa mo e ʻikai ke haʻu ʻa e tangata taʻané. Ne maha e lolo he ngaahi māmá. Naʻe ʻi ai pē e lolo ʻa e kau fefine potó ke ʻutu ʻi heʻenau ngaahi māmá. Naʻe pau ke toe ʻalu e kau fefine valé ʻo fakatau mai ha toe lolo.

Mātiu 25:5–9

The bridgroom comes and the five wise virgins go into the feast - ch.47-5

Lolotonga ʻenau ʻalú, naʻe haʻu ʻa e tangata taʻané. Naʻá ne fakahū ʻa e kau fefine poto ʻe toko nimá ki he taʻané.

Mātiu 25:10

The five foolish virgins knock on the door - ch.47-6

ʻI he foki mai ʻa e kau fefine vale ʻe toko nimá, kuo tāpuni e matapaá. Naʻe ʻikai ke nau lava ʻo hū ki he taʻané.

Mātiu 25:10–12

Jesus Christ comes again and the righteous members are ready, but other members, like the foolish virgins, are not - ch.47-7

ʻOku hangē pē ʻa Sīsuú ko e tangata taʻane ʻi he talanoa ko ʻení. ʻOku hangē ʻa e kāingalotú ko e kau fefine ʻe toko hongofulú. ʻI he taimi ʻe toe hāʻele mai ai ʻa Sīsuú, ʻe mateuteu e kāingalotu ʻe niʻihi. Ne nau talangofua ki he ngaahi fekau ʻa e ʻOtuá. He ʻikai mateuteu ʻa e toengá. ʻE ʻikai te nau lava ʻo nofo mo e Fakamoʻuí ʻi he taimi te Ne toe hāʻele mai aí.

Mātiu 25:13; Tokāteline mo e Ngaahi Fuakava 45:56–57; 88:86, 92; Jesus the Christ, 576–80