Vahe 8

Ko e Tuʻi Angakovi ko Hēlotá

Ne fakahā ʻe he Kau Tangata Potó kia Hēlota ʻe hoko ʻa Sīsū ko e tuʻi. Naʻe fie maʻu ʻe Hēlota ko ia toko taha pē ʻa e tuʻí. Naʻá ne tala ki heʻene kau sōtiá ke tāmateʻi ʻa e pēpē kotoa pē ʻi Pētelihema mo e ngaahi feituʻu ofi mai ki aí

Mātiu 2:3, 13, 16

Ne fakahā ʻe ha ʻāngelo kia Siosefa ke ʻave ʻa Mele mo Sīsū ki ʻIsipite, ko ha fonua ʻoku mamaʻo mei Pētelihema. He ʻikai ke fekumi ʻa Hēlota ia kia Sīsū ʻi ai.

Mātiu 2:13

Naʻe talangofua ʻa Siosefa. Naʻá ne ʻi ʻIsipite mo Mele mo Sīsū ʻi he taimi ne tāmateʻi ai ʻe he kau sōtia ʻa Hēlotá ʻa e pēpē kotoa pē ʻi Pētelihema mo e ngaahi feituʻu ofi mai ki aí.

Mātiu 2:14, 16

Hili e mate ʻa Hēlotá, naʻe fakahā ʻe ha ʻāngelo kia Siosefa ke ʻave ʻa Sīsū mo Mele ki honau ʻapí. Naʻe ʻave kinaua ʻe Siosefa ki Nāsaleti, pea naʻe malu ai ʻa Sīsū.

Mātiu 2:19–21, 23