Vahe 58: Saimone mo e Lakanga Fakataulaʻeikí

People in Samaria listening to the gospel - ch.-1

Ne tokolahi e kakai ʻi Samēlia ne nau fanongo mo tui ki he ongoongoleleí. Naʻa nau papitaiso ka naʻe ʻikai te nau maʻu ʻa e Laumālie Māʻoniʻoní.

Ngāue 8:5, 12–16

Peter and John give the gift of the Holy Ghost to the members in Samaria. - ch.-2

Naʻe ʻalu ʻa Pita mo Sione ki Samēlia. Naʻá na hilifaki hona nimá ki he ʻulu ʻo e kakaí mo foaki ange kiate kinautolu ʻa e meʻafoaki ʻo e Laumālie Māʻoniʻoní.

Ngāue 8:14–17

Simon asks Peter and John for the priesthood and offers them money. - ch.-3

Naʻe mamata ha tangata ko Saimone ki hono foaki ʻo e meʻafoaki ʻo e Laumālie Māʻoniʻoní ʻe Pita mo Sione ki he kakaí. Naʻe ʻilo ʻe Saimone naʻe lava ʻe he ongo ʻAposetoló ʻo foaki ki he kakaí ʻa e meʻafoaki ʻo e Laumālie Māʻoniʻoní koeʻuhí he naʻá na maʻu ʻa e lakanga fakataulaʻeikí. Naʻá ne fie maʻu foki ʻe ia ʻa e lakanga fakataulaʻeikí.

Ngāue 8:9, 18–19

Peter tells Simon that the priesthood is only given to righteous men and tells him to repent. - ch.-4

Naʻá ne ʻoange ha paʻanga ke fakatau ʻaki ia meia Pita mo Sione. Naʻe fakahā ange ʻe Pita kia Saimone he ʻikai ke lava ʻo fakatau ʻa e lakanga fakataulaʻeikí. ʻOku foaki ia ʻe he ʻOtuá ki he kau tangata angatonú. Naʻá ne tala ange ki ai ke fakatomala.

Ngāue 8:18–24