Vahe 13
Ko Sīsū mo e Fale ʻo ʻEne Tamai Hēvaní
Naʻe ʻalu ʻa Sīsū ki he temipale ʻi Selusalemá. Naʻe tokolahi e kakai ne ʻi ai ke fai ʻenau feilaulau ʻaki hono tāmateʻi ha monumanu pea tutu ia ʻi he ʻōlitá. Naʻe tokoni ʻa e feilaulaú ki he kakaí ke nau fakakaukau ai ki he Fakamoʻuí, ʻa ia te Ne feilaulauʻi Ia ʻaki ʻEne mamahi mo mate maʻanautolu.
Naʻe ʻi ai e kakai ʻe niʻihi ne ʻikai ke ʻi ai haʻanau monumanu ke fai ʻaki e feilaulaú. Ne fakatau atu leva ʻe he kakaí e fanga monumanú kiate kinautolu ʻi he temipalé. Naʻe fuʻu fie maʻu paʻanga lahi e kau fakatau monumanú. Naʻe ʻikai ke nau fakakaukau ki he ʻOtuá.
Naʻe mamata ʻa Sīsū ki he fakatau atu e fanga monumanú ʻe he kakaí ʻi he temipalé. Naʻá Ne pehē ko e temipalé ko e fale ia ʻo e Tamai Hēvaní, ko e feituʻu toputapu ia. Naʻá Ne pehē ʻoku ʻikai totonu ke fai ha fefakatauʻaki ai.
Naʻe ngaohi ʻe Sīsū ha meʻa tā, fulihi e ngaahi tēpilé, laku e paʻangá ki he falikí, pea tuli e kau fai fakatau mei he temipalé. He ʻikai ke Ne tuku kinautolu ke nau fai ha ngaahi meʻa ʻoku kovi he fale ʻo e Tamai Hēvaní.