Ngaahi laʻi tā ʻo e Fonua Tapú

(Ko e ngaahi mataʻifika ʻi loto ʻi he haʻí ko e ngaahi mataʻifika ʻo e vahe ʻi he ngaahi talanoa naʻe hoko ʻi he feituʻu pe ofi ki he feituʻu naʻe faitaaʻí.)

Pētelihema Naʻe ʻaloʻi ʻa Sīsū Kalaisi ʻi he koló ni. (5, 7)

Temipalé Ko e sīpinga ʻeni ʻo e temipale ʻi Selusalema ʻa ia naʻe akoʻi ai ʻe Sīsū ʻa e ongoongolelei mo kapusi ki tuʻa ʻa e kakai naʻa nau fakatau atu ʻa e fanga monumanú ki he feilaulaú. (1, 6, 9, 11, 13, 45, 56)

Ngaahi sitepu ki he Temipalé Ko e ngaahi sitepu totonu ʻeni ʻoku fakatau ki he temipalé.

Nāsaleti Naʻe tupu hake ʻa Sīsū ʻi he koló ni. (2, 4, 9, 17)

Selusalema Naʻe fakaʻaongaʻi ʻe Sīsū mo ʻEne kau ʻAposetoló ha taimi lahi ke faiako ʻi he koló ni. Naʻe pekia pea toetuʻu ʻa Sīsū ʻi heni. (6, 39–40, 44–57, 63)

Vaitafe Soatani Naʻe papitaiso ʻe Sione Papitaiso ʻa Sīsū Kalaisi ʻi ha feituʻu ʻi he vaitafé ni. (10)

Maomaonganoa ʻi Siuteá Naʻe ʻaukai pea ʻahiʻahiʻi ʻa Sīsū Kalaisi ʻe he tēvoló ʻi he maomaonganoá hili hono papitaisó. (11)

Samēlia Naʻe akoʻi ʻe Sīsū ha fefine fekauʻaki mo e vai ʻo e moʻuí ʻi ha vaitupú ʻi he fonuá ni. Naʻe tāufehiʻa ʻa e kau Siu tokolahi ki he kakai Samēlia. (15, 58)

Kāleli mo e Tahi Kālelí ʻOku tui e kakai tokolahi ko e tafaʻaki moʻunga ʻeni naʻe fai ai ʻe Sīsū ʻa e malanga he moʻungá. ʻOku ʻasi mei mui ʻa e Tahi Kālelí. Naʻe akoʻi heni ʻe Sīsū ʻa e ongoongolelei ki he kakai tokolahi, kau ai ʻEne Kau ʻAposetoló. Naʻe lolomi ʻe Sīsū ʻa e matangí ʻi he Tahi Kālelí. (18–22, 29, 34, 36)

Kāpaneume Ko e ngaahi langa ʻeni kuo maumau ʻoku ʻi he kolo ʻo Kāpaneumé. Naʻe fakahoko ʻe Sīsū ha ngaahi mana lahi ʻi he koló ni. (23–25, 30)

Sesalia Filipai Naʻe fakamoʻoni ʻa Sīsū ʻi he feituʻú ni ki Heʻene pekiá mo ʻEne Toetuʻú pea naʻe fakamoʻoni ʻa Pita ko Sīsū ʻa e ʻAlo ʻo e ʻOtuá. (32)

Selikō ʻI he talanoa fakatātā ʻo e tangata Samēlia leleí, naʻe mei tāmateʻi ha tangata lolotonga ʻene fononga he halá ki he koló ni. (35)

Moʻunga Tipoa Ngalingali naʻe hoko heni ʻa e Hā Fakakehe ʻa Sīsū Kalaisí. (33)

Ngoue ʻo Ketisemaní Naʻe lotu ʻa Sīsū Kalaisi, mamahi koeʻuhí ko ʻetau ngaahi angahalá, naʻe lavakiʻi ʻe Siutasi ʻIsikaliote, pea naʻe puke ia ʻi he ngoue ko ʻení. (51, 52)

Kolokota Ngalingali pē ko e feituʻu ʻeni naʻe pekia ai ʻa Sīsū he kolosí. (53)

Fonualoto he Ngoué Ngalingali ko e feituʻu ʻeni naʻe tanu ai ʻa Sīsū Kalaisí, naʻe toetuʻu, pea talanoa ai mo Mele Makitaline (53, 54)