Vahe 57: Ko Hono Tāmateʻi ʻe he Kau Tangata Angakoví ʻa Sitīvení

The Apostles continue to perform miracles after the death of Jesus. - ch.59-1

Naʻe fakakaukau e kau taki tokolahi ʻo e kakai Siú ʻe ngata e ngaahi maná ʻi he pekia ʻa Sīsuú. Ka neongo ia, naʻe toe fakahoko foki ʻe he Kau ʻAposetoló ʻa e ngaahi mana. Ne tui e kakai tokolahi kia Sīsū Kalaisi pea nau kau ki he Siasí.

Ngāue 4:1–4, 13–16; 5:14

Naʻe ʻita lahi heni ʻa e kau taki tokolahi ʻo e kakai Siú. Naʻa nau tuku pōpula ʻa Pita mo Sione. Naʻe fekau ʻe he Tuʻi ko Hēlota ʻAkilipá ke tāmateʻi ʻa e ʻAposetolo ko Sēmisí.

Ngāue 4:3; 12:1–2

Naʻe ui ʻe he Kau ʻAposetoló ha kau tangata ʻe toko fitu ke tokoni ki hono tataki e Siasí. Ko e toko taha ko e tangata angatonu ko Sitīveni. Naʻá ne akoʻi e ongoongoleleí ki he kakai tokolahi. Naʻe loi ha kakai angakovi ʻe niʻihi ʻo pehē naʻe lea fakafetau ʻa Sitīveni ki he lao ʻa e kakai Siú. Naʻa nau ʻave ia ke fakamāuʻi ʻe he kau taki ʻo e kakai Siú.

Ngāue 6:3–12

Stephen tells the Jewish leaders that they killed Jesus Christ, the Son of God. - ch.59-4

Naʻe fakahā ʻe Sitīveni ki he kau takí naʻa nau angakovi. Naʻá ne pehē kuo nau tāmateʻi ʻa Sīsū Kalaisi, ko eʻAlo ʻo e ʻOtuá.

Ngāue 7:51–54

Stephen looks into heaven and sees Heavenly Father and Jesus Christ. - ch.59-5

Hili iá naʻe hanga hake ʻa Sitīveni ki he langí ʻo ne mamata ki he Tamai Hēvaní mo Sīsū Kalaisi. ʻI heʻene tala ki he kau takí ʻa e meʻa naʻá ne mamata ki aí, naʻa nau ʻita lahi ʻaupito.

Ngāue 7:55–56

Stephen being stoned by the Jews. - ch.59-6

Naʻa nau ʻave ʻa Sitīveni ki he tuʻa koló ʻo tolo makaʻi ia ke mate. Naʻa nau tuku hifo honau ngaahi kofú ʻi he vaʻe ha talavou ko Saula. ʻI he ʻamanaki ke mate ʻa Sitīvení, naʻá ne kole ki he ʻOtuá ke ʻave hono laumālié ki hēvani. Naʻá ne kole foki ki he ʻOtuá ke fakamolemoleʻi ʻa kinautolu naʻa nau tāmateʻi iá. Hili iá, naʻá ne mate leva.

Ngāue 7:58–60