Kakai ke ʻIloʻí

FakamoʻuíKo Sīsū Kalaisi ʻa e Fakamoʻui. Naʻá Ne mamahi pea pekia koeʻuhí ko ʻetau ngaahi angahalá. Koeʻuhí ko Ia, ʻe lava ke fakamolemoleʻi ʻetau ngaahi angahalá, kapau ʻoku tau fakatomala, pea te tau moʻui ʻo taʻengata.

Hēlotako ha tuʻi angakovi naʻe pule ʻi Selusalema ʻi he taimi naʻe ʻaloʻi ai ʻa Sīsuú. Naʻá ne tuʻutuʻúni ke tāmateʻi ʻa e pēpē kotoa pē ʻi Pētelihemá mo e ʻamanaki ʻe tāmateʻi ai ʻa e pēpē ko Sīsuú.

Kaiafasiko e taulaʻeiki lahi Siu naʻá ne kau ʻi hono fakahalaiaʻi ʻa Sīsū ʻi hono fakamaauʻí.

Kau Fālesíko e kau taki ʻo e kakai Siú. Naʻe fehiʻa honau tokolahi ʻia Sīsū mo ʻEne kau ākongá.

Kau Samēliáko ha falukunga kakai naʻe nofo ʻi he fonua naʻe nofo ai ʻa Sīsuú. Naʻe fetaufehiʻaʻaki ʻa e kau Siú mo e kau Samēliá.

Kau SiúKo e kau ʻIsileli naʻa nau hoko ko e konga ʻo e puleʻanga ʻo Siutá. Ko Sīsuú ko ha Siu.

Kepaleliko e ʻangelo naʻe ʻaʻahi kia Mele ʻo fakahā kiate ia te ne hoko ko e faʻē ʻa Sīsuú. Naʻe toe haʻu ʻa Kepaleli kia Sakalia ʻo fakahā ki ai ʻe ʻi ai hono foha ko Sione ko e Papitaisó.

Lasalosiko ha tangata naʻe fokotuʻu ʻe Sīsū mei he maté.

Laumālie Māʻoniʻoníko e taha ʻo e toluʻi ʻOtua. ʻOkú ne tokoni kia Sīsū Kalaisi mo e Tamai Hēvaní. ʻOkú Ne maʻu ʻa e mālohi ke tokoniʻi ʻa e kakaí ke nau ʻilo ʻa e moʻoní. Ko e laumālie Ia pea ʻoku ʻikai te Ne maʻu ʻa e sino kakano mo e hui.

Lomako e kakai naʻa nau puleʻi ʻa e fonua naʻe nofo ai ʻa Sīsū ʻi he lolotonga ʻEne moʻuí

Mataiasiko ha ākonga ʻa Sīsū naʻe uiuiʻi ke ne fetongi ʻa Siutasi ʻIsikaliote

Meleko e faʻē ʻa Sīsuú

Mele MakitalineKo e kaungāmeʻa ʻo Sīsū pea ko e fuofua tokotaha ke mamata kia Sīsū hili ʻEne Toetuʻú

Mele mo Maʻatako e ongo tuofāfine ʻo Lasalosi mo e kaungāmeʻa ʻo Sīsū

Mīsaiáko ha hingoa ia ʻe taha ʻo Sīsū Kalaisi

Mōseseko ha palōfita ʻo e Fuakava Motuʻá

Nikotīmasiko ha taki ʻo e kau Siu naʻá ne tui ko Sīsū ʻa e Fakamoʻui. Naʻe akoʻi ʻe Sīsū ʻa Nikotīmasi fekauʻaki mo e papitaisó.

Paulako ha tangata naʻe ʻikai ke saiʻia ʻi he kau ākonga ʻa Sīsuú ka naʻá ne mamata kia Sīsū ʻi ha mata-meʻa-hā-mai peá ne ului. Naʻá ne tauhi ki he ʻOtuá peá ne hoko ko e taha ʻo e kau ʻAposetoló. Naʻe toe ʻiloa foki ia ko Saula.

Pitako e taha ʻo e Kau ʻAposetolo ʻe Toko Hongofulu Mā Ua ʻa Sīsuú mo e Palesiteni ʻo e Siasi hili e pekia ʻa Sīsuú

Ponitusi Pailatoko e kōvana Loma ʻi Selusalema. Naʻe fakahā ʻe he kau Siú kia Pailato ke tutuki ʻa Sīsū, pea fakaʻatā ʻe Pailato ke tāmateʻi ʻa Sīsū.

Sailosiko ha taki ʻo e kakai Siú ʻi Kāpaneume. Naʻe fokotuʻu ʻe Sīsū hono ʻofefiné mei he maté.

Sailosiko ha faifekau mo e kaungāmeʻa ʻo Paula

Saimoneko ha tangata ʻi Samēlia. Naʻá ne feinga ke fakatau ʻa e lakanga fakataulaʻeikí meia Pita mo Sione. Naʻá na akoʻi ia ʻe ʻikai lava ʻe ha taha ke fakatau ʻa e lakanga fakataulaʻeikí.

Sakaliako e tamai ia ʻa Sione Papitaisó

SaulaVakai, Paula

Sēmisiko ha taha ʻo e Kau ʻAposetolo ʻa Sīsū Kalaisí. Naʻá ne hoko ko e taha ʻo e ongo tokoni ʻo Pita hili ʻa e pekia ʻa Sīsuú.

Sētaneko ha foha fakalaumālie ʻo e Tamai Hēvaní. Naʻá ne talangataʻa ki he Tamai Hēvaní, ko ia ai naʻe kapusi ia mei Hēvani. Naʻá ne hoko ko e tēvolo. ʻOku feinga ʻa Sētane ke ʻahiʻahiʻi ʻa e kakaí ke fai ʻa e meʻa ʻoku halá.

Simioneko ha tangata angatonu naʻe mamata ki he valevale ko Sīsuú ʻi he temipale ʻi Selusalemá

Sioneko e taha ʻo e kau ʻAposetolo ʻe Toko Hongofulu Mā Uá. Ko e taha ia ʻo e ongo tokoni ʻo Pitá hili e pekia ʻa Sīsuú.

Sione ko e Papitaisóko e palōfita naʻá ne papitaiso ʻa Sīsuú. Ko e foha ia ʻo Sakalia mo ʻIlisapeti.

SiosefaKo e husepāniti ʻo Melé. Naʻe tokangaʻi lelei ʻe Siosefa ʻa Sīsū mo Mele.

Siosefa SāmitaʻI he taimi naʻe kei tamasiʻi ai ʻa Siosefa Sāmitá naʻe ʻaʻahi kiate ia ʻa e Tamai Hēvani mo Sīsū Kalaisi. Naʻá Na fofofola kiate ia ke ʻoua naʻa kau ki ha taha ʻo e ngaahi siasi ʻi he māmaní koeʻuhí kuo nau hē kotoa mei he moʻoní. Naʻe toe fakafoki mai ʻa e Siasi moʻoni ʻo Sīsū Kalaisí ki he māmaní ʻo fakafou mai ʻia Siosefa Sāmita.

Sīsū Kalaisiko e ʻAlo ʻo e ʻOtuá mo e fakamoʻui ʻo e māmaní. Naʻá Ne mamahi peá ne pekia koeʻuhí ko ʻetau ngaahi angahalá.

Sitīveniko ha taki angatonu ʻa e Siasi ʻo Sīsū Kalaisi. Naʻe tāmateʻi ia ʻe he kau Fālesí.

Siutasi ʻIsikalioteko e taha ʻo e kau ʻAposetolo ʻa Sīsuú. Naʻe tuku ʻe Siutasi ʻa Sīsū ki he kau tangata anga fulikivanú ʻaki e ngaahi konga siliva ʻe 30.

Tamai Hēvaníko e Tamai ʻa hotau ngaahi sino fakalaumālié. ʻOku tau lotu kiate ia.

Tāpaitako ha fefine lelei naʻe toe fakamoʻui ʻe Pita

ʻAkilipako ha tuʻi Loma naʻe pule ʻi ʻIsileli. Naʻe fakahā ʻe Paula kia ʻAkilipa ʻo fekauʻaki mo Sīsū Kalaisi.

ʻAnako ha uitou angatonu naʻá ne mamata kia Sīsū ʻi Heʻene kei valevalé peá ne akoʻi ʻa e kakaí ko Sīsū ʻa e ʻAlo ʻo e ʻOtuá mo e Huhuʻí.

ʻAnanaiako ha ākonga ʻa Sīsū Kalaisi naʻe nofo ʻi Tāmasikusi. Naʻá ne tapuakiʻi ʻa Paula peá ne tauhi ia hili e kui hono matá lolotonga ʻene mata-meʻa-hā-maí.

ʻIlaiaseko ha palōfita ʻo e Fuakava Motuʻá

ʻIlisapetiko e faʻē ʻa Sione ko e Papitaisó

ʻĪsaiako ha palōfita ʻo e Fuakava Motuʻá naʻá ne tohi fekauʻaki mo Sīsū.

‘Otuáʻoku lava ke ʻuhinga ia ki he Tamai Hēvaní pē ko Sīsū Kalaisi.