Vahe 49

Ko e Fuofua Sākalamēniti

Jews gather around a table for the Feast of the Passover - ch.49-1

Naʻe fakahoko ʻe he kau Siú he taʻu kotoa pē ha kātoanga kai naʻe ui ko e Laka Atú. Naʻe tokoni ia ki he kakai Siú ke nau manatuʻi naʻe fakahaofi ʻe he ʻOtuá ʻenau ngaahi kuí ʻi he taimi ʻo Mōsesé.

ʻEkesōtosi 12:27; Luke 22:7

The Savior sends Peter and John to get a room for the Passover feast - ch.49-2

Naʻe fie maʻu ʻe Sīsū mo e Kau ʻAposetolo ʻe Toko Hongofulu Mā Uá ha feituʻu ke fai ai ʻa e kai ʻo e kātoanga Laka Atú. Naʻe fekauʻi ʻe he Fakamoʻuí ʻa Pita mo Sione ke kumi ha loki mo vakai ke mateuteu e meʻa kotoa pē ki he kātoanga kaí.

Luke 22:8

Peter and John make arrangements for the room - ch.49-3

Naʻá na ʻilo ha loki peá na teuteuʻi ʻa e kātoanga kaí.

Luke 22:9–13

Jesus and His Apostles gather in the room for the Passover feast - ch.49-4

Naʻe hāʻele ki ai ʻa Sīsū mo e Kau ʻAposetoló kotoa. Naʻa nau kai fakataha ʻa e kātoanga kai ʻo e Laka Atú.

Luke 22:14

Jesus blesses the bread - ch.49-5

Ko e fuofua taimi ia ne ʻoange ai ʻe Sīsū ʻa e sākalamēnití ki Heʻene Kau ʻAposetoló. Naʻá Ne toʻo ʻa e maá ʻi Hono nimá, tāpuakiʻi ia, pea pakipaki ke kongokonga iiki. Naʻá Ne talaange ki Heʻene Kau ʻAposetoló ke nau kai ʻa e maá.

Mātiu 26:26; Luke 22:19

Jesus tells His Apostles to think of His body when they eat the bread - ch.49-6

Naʻe tala ange ʻe Sīsū kiate kinautolu ke nau fakakaukau ki Hono sinó ʻi heʻenau kai ʻa e maá. Naʻá Ne kole ange ke nau manatuʻi te Ne pekia maʻa nautolu.

Mātiu 26:26; Luke 22:19

Jesus pours wine into a cup - ch.49-7

Naʻe lingi ʻe Sīsū e uainé ki ha ipu. Naʻá Ne tāpuakiʻi e uainé pea tala ange ki he kau ʻAposetoló ke nau inu ia.

Mātiu 26:27

Jesus tells the Apostles to think of His blood when they drink the wine - ch.49-8

Naʻe tala ange ʻe Sīsū ke nau fakakaukau ki Hono totó he taimi naʻa nau inu ai ʻa e uainé. Naʻá Ne kole ange ke nau manatuʻi ʻe lilingi Hono totó pea mamahiʻia koeʻuhí ko e ngaahi angahala ʻa e kakaí kotoa.

Mātiu 26:28; Luke 22:20

Jesus tells His Apostles that wicked men will kill Him - ch.49-9

Naʻe fakahā foki ʻe Sīsū ki he Kau ʻAposetoló ʻe vavé ni pē hano tamateʻi Ia ʻe he kau tangata anga koví. Naʻe loto mamahi e toko hongofulu mā taha ʻo e Kau ʻAposetoló. Naʻa nau ʻofa ʻi he Fakamoʻuí pea naʻe ʻikai te nau loto ke Ne mate. Naʻe ʻiloʻi ʻe Sīsū ʻe tokoniʻi ʻe he toko taha ʻo e Kau ʻAposetoló ʻa e kau tangata anga koví. Ko hono hingoá ko Siutasi ʻIsikaliote.

Mātiu 26:2, 14–16, 21–25