Ko e Talanoa Fakatātā Hono Uá
Ko e Paʻanga Maka ne Molé
Ne maʻu ʻe ha fefine ha paʻanga maka siliva ʻe 10. Ne mole ha foʻi paʻanga maka ʻe taha. Naʻá ne kumi ia ʻi hono falé kotoa.
Fāifai peá ne maʻu ʻa e foʻi paʻanga maká. Naʻá ne fuʻu fiefia ʻaupito. Naʻá ne ui hono ngaahi kaungāmeʻá mo e kaungāʻapí ke fakahā kiate kinautolu. Naʻa nau fiefia foki mo kinautolu he kuó ne ʻilo ʻa e foʻi paʻanga maka ne molé.
ʻOku hangē tofu pē ʻa e kau taki ʻo e Siasí mo e kāingalotú ko e fefine ʻi he talanoá; ko e foʻi paʻanga maka ne molé ʻoku hangē ia ha mēmipa ʻo e Siasí ʻoku ʻikai ke toe ʻalu ki he lotú pe toe feinga ke moʻui ʻaki e ngaahi fekaú. Hangē tofu pē ia kuo mole mei he Siasí. ʻOku fakaʻamu ʻa Sīsū ke kumi ʻe he kāingalotú ha kāingalotu ne mole mo tokoniʻi kinautolu ke nau foki mai kiate Ia. ʻOkú Ne fuʻu fiefia ʻaupito he taimi ʻoku hoko ai ʻení.
Jesus the Christ, 455–56
ʻOku hangē tofu pē ʻa e ngaahi kaungāmeʻá mo e ngaahi kaungāʻapi ʻi he talanoá ko e kau ʻāngelo ʻa e ʻOtuá. ʻOku fiefia ʻaupito ʻa e kau ʻāngeló ʻi he taimi ʻoku fakatomala ai ha tahá.