Vahe 26: Ko Hono Fakamolemoleʻi ʻe Sīsū ha Fefine

A Pharisee asks Jesus to eat with him - ch.23-1

Ko e kole ʻa ha tangata Fālesi ki he Fakamoʻuí ke na maʻu meʻatokoni ʻi hono falé.

A sinful woman finds Jesus at the Pharisee's house - ch.23-2

Naʻe nofo ha fefine ne lahi ʻene angahalá ʻi he koló. Naʻá ne ʻiloʻi ʻoku maʻu meʻatokoni ʻa Sīsū ʻi he fale ʻo e tangata Fālesí. Naʻá ne fie maʻu ke fai ha meʻa makehe maʻa Sīsū.

Luke 7:37

A woman kneels at the Savior's feet and washes them with her tears - The Pharisee thinks the Savior should not let the sinful woman touch Him - ch.23-3

Naʻá ne tūʻulutui ʻo fufulu e vaʻe ʻo e Fakamoʻuí ʻaki hono loʻimatá. Peá ne toki holo ia ke mātuʻu ʻaki hono louʻulú mo ʻuma ki Hono ongo vaʻé. Naʻá ne tākai ʻaki ia ʻa e lolo namu lelei. Naʻe ʻiloʻi ʻe he tangata Fālesí ne lahi e ngaahi meʻa ne faihala ai e fefiné. Naʻá ne fakakaukau naʻe totonu ke taʻofi ʻe Sīsū ʻa e fefiné ke ʻoua ʻe ala ange kiate Ia.

Luke 7:38–39

The Savior tells the Pharisee that he had not given Him water to wash His feet - ch.23-4

Naʻe ʻiloʻi ʻe he Fakamoʻuí ʻa e fakakaukau ʻa e tangata Fālesí. Naʻá Ne tala ange ki he tangata Fālesí kuo lahi ange e tokanga ʻa e fefiné kiate Iá ʻi he tokanga kiate Ia ʻa e tangata Fālesí. Naʻe ʻikai ke ʻoange ʻe he tangata Fālesí kia Sīsū ha vai ke fufulu ai Hono vaʻé pe lolo ki Hono ʻulú, ʻo hangē ko ia naʻe faʻa fai ki he kau fakaafé.

Luke 7:44–46

Jesus tells the woman that her sins are forgiven - ch.23-5

Naʻe talaange ʻe Sīsū ki he tangata Fālesí kuo fakamolemoleʻi e ngaahi angahala ʻa e fefiné koeʻuhí ko ʻene ʻofa he Fakamoʻuí mo tui kiate Iá. Naʻe talaange ʻe Sīsū ki he fefiné ke ʻalu ʻi he fiemālie.

Luke 7:47–50; Tokāteline mo e Ngaahi Fuakava 58:42–43; Jesus the Christ, 262–63