Vahe 9
Ko e Tamasiʻi ko Sīsuú
Naʻe tupu hake ʻa Sīsū ʻi he kolo ko Nāsaletí. Naʻá Ne ako e ngaahi meʻa lahi pea kamata ke Ne “mālohi ʻi he laumālie, … pea naʻe ʻiate Ia ʻa e ʻofa ʻa e ʻOtuá.”
ʻI he taʻu 12 ʻa Sīsuú, naʻá Ne ʻalu fakataha mo Siosefa mo Mele mo ha kakai ki ha kātoanga ʻi Selusalema. Ne nau ʻi ai ʻi ha ngaahi ʻaho.
ʻI he foki ʻa Siosefa mo Mele ki ʻapí, naʻá na fakakaukau ne foki ʻa Sīsū mo Hono ngaahi kaungāmeʻá ki Nāsaleti. Ka ne kei nofo pē ʻa Sīsū ia ʻi Pētelihema.
Ne fiu ʻa Siosefa mo Mele hono kumi ʻo Sīsuú, mo e ʻikai pē ke na ʻiloʻi Ia. Ne ʻikai pē ke sio ha taha ia ʻi he kakai naʻa nau ʻalú kiate Ia. Ko ia ne toe foki ʻa Siosefa mo Mele ki Selusalema. Ne na kumi ʻa Sīsū ʻi ha ʻaho ʻe tolu. Naʻá na fuʻu loto mamahi ʻaupito.
Fāifai ne na ʻilo ʻa Sīsū ʻi he temipalé, ʻoku talanoa mo e niʻihi ʻo e kau akonakí. Naʻá Ne tali ʻenau ngaahi fehuʻí. Naʻe ʻohovale e kau akonakí he lahi e ngaahi meʻa ne ʻilo ʻe Sīsuú.
Luke 2:46–47 (vakai, footnote 46c)
Naʻe fakahā ange ʻe Mele kia Sīsū ne na fuʻu hohaʻa ʻaupito mo Siosefa kiate Ia. Naʻe tali ange ʻe Sīsū naʻá Ne fai e ngāue ʻa ʻEne Tamaí—ngāue ʻa e ʻOtuá. Naʻe ʻikai ke mahino ia kia Siosefa mo Mele.
Naʻe ʻalu ʻa Sīsū ki Nāsaleti mo Siosefa mo Mele pea naʻá [Ne] talangofua kiate kinaua.
Naʻe ako lahi ange ʻe Sīsū ʻo kau ki he ngāue ʻEne Tamai Hēvaní.
Naʻá Ne tupu lahi mo mālohi.
Naʻe ʻofa ʻa e kakaí ʻiate Ia. Naʻá Ne fai e finangalo ʻo e ʻOtuá kiate Iá.
Naʻe ʻofa ʻa e ʻOtuá ʻiate Ia.