Katingbanan sa Kasaysayan

Kining libroha dili usa ka kasaysayan, apan usa ka hinugpong sa mga baruganan sa ebanghelyo ingon nga gitudlo ni Presidente Joseph F. Smith. Bisan pa man, aron mapahimutang ang mga pagtulun-an sa makasaysayanon nga pagkahan-ay, ang mosunod nga lista gihatag aron sa pagtingub sa pipila ka importanteng mga panghitabo sa iyang kinabuhi nga adunay dakong kalabutan sa iyang mga pagtulun-an. Kini nga katingbanan mitangtang sa pipila ka importanteng mga panghitabo sa iyang personal nga kinabuhi, lakip na ang iyang mga kaminyoon (ang dinaghan nga pagminyo gihimo sa Simbahan niadtong panahona) ug ang mga pagkahimugso ug mga pagkamatay sa iyang mga anak, kang kinsa siya matinuoron.

1800, Pebrero 9:	Si Hyrum Smith, ang amahan ni Joseph F. Smith, natawo sa Tunbridge, Vermont.
1801, Hulyo 21:	Si Mary Fielding, ang iyang inahan, natawo sa Honeydon, England.
1837, Disyembre 24:	Kasal nila ni Hyrum Smith ug Mary Fielding, Kirtland, Ohio.
1838, Nobyembre 13:	Si Joseph F. Smith natawo sa Far West, Missouri.
1844, Hunyo 27:	Sila si Joseph ug Hyrum Smith gimartir, Carthage Jail (5; ang mga numero nga anaa sa parenteses nagpakita sa edad ni Joseph F. Smith).
1846, Septyembre– Septyembre 1848:	Ang pamilya ni Mary Fielding Smith mibiyahe gikan sa Nauvoo, Illinois, ngadto sa Salt Lake Valley (7–9).
1852, Mayo 21:	Si Joseph F. Smith gibunyagan ni Presidente Heber C. Kimball (13).
1852, Septyembre 21:	Si Mary Fielding Smith namatay sa Siyudad sa Salt Lake (13).
1854–1857:	Nagserbisyo og misyon didto sa Sandwich Islands (Hawaii) (15–19).
1860–1863:	Nagserbisyo og misyon didto sa Great Britain (21–24).
1864:	Espesyal nga misyon didto sa Hawaii kauban nila ni Elder Ezra T. Benson ug Lorenzo Snow (25–26).
1865–66:	Sakop sa territorial legislature; usab 1867–70, 1872, 1874, 1880, 1882.
1866, Hulyo 1:	Na-ordinahan isip Apostol ug Magtatambag sa Unang Kapangulohan (27).
1867, Oktubre 8:	Gi-set apart isip usa ka sakop sa Korum sa Napulog Duha ka mga Apostoles (28).
1874–1875, 1877:	Duha ka mga termino isip presidente sa European Mission (35–36, 38).
1877, Agosto 29:	Pagkamatay ni Presidente Brigham Young, Siyudad sa Salt Lake (38).
1880, Oktubre 10:	Gipaluyohan isip Ikaduhang Magtatambag ngadto ni Presidente John Taylor (41).
1887, Hulyo 25:	Pagkamatay ni Presidente John Taylor, Kaysville, Utah (48).
1889, Abril 7:	Gipaluyohan isip Ikaduhang Magtatambag ngadto ni Presidente Wilford Woodruff (50).
1890, Septyembre 24; Oktubre 6:	Nadawat ang Manifesto; ang Opisyal nga Pahayag 1 gidawat sa Simbahan (51).
1893, Abril 6:	Pagpahinungod sa Templo sa Salt Lake pinaagi ni Presidente Wilford Woodruff (54).
1898, Septyembre 2:	Si Presidente Wilford Woodruff namatay, San Francisco, California (59).
1898, Septyembre 13:	Gipaluyohan isip Ikaduhang Magtatambag ni Presidente Lorenzo Snow (59).
1901, Oktubre 10:	Pagkamatay ni Presidente Lorenzo Snow, Siyudad sa Salt Lake (62).
1901, Oktubre 17:	Gi-ordinahan ug gi-set apart isip Presidente sa Simbahan (62).
1901, Nobyembre 10:	Gipaluyohan isip Presidente sa Simbahan sa usa ka espesyal nga komperensya (62).
1906, Hulyo–Septyembre:	Unang Presidente sa Simbahan nga milibut sa Europe atol sa iyang administrasyon (67).
1909, Nobyembre:	Ang Unang Kapangulohan miisyu sa doktrinal nga eksposisyon sa “Ang Sinugdanan sa Tawo” (70).
1911:	Ang YMMIA mi-adopt sa programa sa Boy Scout, ginganlan og MIA Scouts (72).
1912:	Ang Granite Seminary sa Siyudad sa Salt Lake mao ang gihimoan sa unang mga klase inig kahuman sa regular nga mga klase.
1913:	Ang YWMIA mi-adopt sa programa sa Campfire Girls inig ka-summer; 1914, gipulihan sa tibuok tuig nga programa sa Beehive Girls (74).
1913, Hulyo 27:	Mipahinungod sa luna alang sa Templo sa Alberta (74).
1915, Abril 27:	Ang Unang Kapangulohan miawhag sa mga miyembro sa pagpahigayon og regular nga mga gabii sa panimalay (76).
1915, Hunyo 1:	Mipahinungod sa luna alang sa Templo sa Hawaii (76).
1916, Hunyo 30:	Ang Unang Kapangulohan ug ang Napulog Duha miisyu sa doktrinal nga eksposisyon sa “Ang Amahan ug ang Anak” (77).
1918, Oktubre 3:	Nakadawat sa panan-awon kabahin sa katubsanan sa mga patay, nga nahimong Doktrina ug mga Pakigsaad 138 (79).
1918, Nobyembre 19:	Namatay sa Beehive House, Siyudad sa Salt Lake (80).
1918:	Katapusan sa tuig nga estatistika: 495, 962 ka mga miyembro; 75 ka mga stake; 839 ka mga ward; 22 ka mga misyon.