Pananglussok iti Bagi

Saan nga anamongan dagiti propeta iti ud-udina nga aldaw ti pananglussok iti bagi malaksid no para kadagiti panggep a mainaig iti mediko. No tarigagayan dagiti babbalasitang wenno babbai a matebbeng dagiti lapayagda, maallukoyda nga agusar iti maysa a paris laeng dagiti maibagay nga aritos.

Dagitay saan a mangikankano iti daytoy a balakad ket mangipakitada iti kinaawan respeto iti bagida ken iti Dios. Maysa nga aldaw agbabawidanto iti pangngeddengda.

Insuro ni Apostol Pablo ti kinapateg dagiti bagitayo ken ti peggad ti naigagara a panangrugit kadagitoy: “Dikay ammo a dakay ti templo ti Dios, ket ti Espiritu ti Dios agtaeng kadakayo? No siasino man a tao dadaelenna ti templo ti Dios, isu rebbaenna ti Dios; ta ti templo ti Dios nasantuan, ket dayta a templo dakayo” (1 Taga Corinto 3:16–17).