Ebanghelio

Ti ebanghelio ti plano iti kinaragsak ti Nailangitan nga Amatayo. Ti kangrunaan a doktrina ti ebanghelio ket ti Pannubbot ni Jesucristo.

Kinuna ni Propeta Joseph Smith, “Mamatikami a dagiti umuna a pagbatayan ken ordinansa ti Ebanghelio: umuna, Pammati ken ni Apo a Jesucristo; maikadua, Panagbabawi; maikatlo, Panagbuniag babaen ti pannakairarem iti danum para iti pannakaugas dagiti basol; maikapat, Pannakaipatay dagiti dakulap para iti sagut ti Espiritu Santo” (Pagannurotan ti Pammati 1:4). Iti pakabuklanna, iraman ti ebanghelio ti amin dagiti doktrina, pagbatayan, ordinansa, ken katulagan a kasapulan iti pannakaitan-oktayo iti celestial a pagarian. Inkari ti Mangisalakan a no agibturtayo agingga iti panungpalan, sipupudnotayo nga agbiag iti ebanghelio, pagsungbatennatayto nga awan basolna iti sango ti Ama iti Maudi a Panangukom (kitaen iti 3 Nephi 27:16).

Naikasaba idin ti pakabuklan ti ebanghelio iti amin a panawen idi naisaganan dagiti annak ti Dios nga umawat iti daytoy. Kadagiti ud-udina nga aldaw, wenno ti dispensasion ti pakabuklan dagiti panawen, naisublin ti ebanghelio babaen ken ni Joseph Smith.