Dagiti Tanda

Dagiti tanda ket paspasamak wenno padpadas a mangipakita iti pannakabalin ti Dios. Masansan a namilagruan dagitoy. Ilasin ken ipakaammoda dagiti naindaklan a paspasamak, kas iti pannakayanak, ipapatay, ken Maikadua a Yaay ti Mangisalakan. Ipalagipda kadatayo maipapan kadagiti katulagan nga inaramid ti Apo kadatayo. Mabalin pay nga ipaneknek dagiti tanda maipapan iti nadiosan nga awag wenno ipakitada ti saan a pananganamong ti Apo.

Ibaga ti sumagmamano a tattao a mamatida iti Dios wenno iti aramidna no nakaawatdan iti maysa a tanda. Ngem kinuna ti Apo, “Saan a dumteng ti pammati babaen dagiti tanda, ngem sumaruno dagiti tanda kadagiti mamati” (DkK 63:9). Maited dagiti kasta a tanda kadagiti napudno ken natulnog tapno mangpapigsa kadakuada iti pammatida.

Dagiti mainayon a reperensia: Mateo 12:38–39; Marcos 13:22–27; Lucas 2:8–17; Alma 30:43–52; Helaman 14; 3 Nephi 1:13–21; 8:2–25; Ether 12:6; DkK 63:7–12

Kitaen met iti Pammati; Panagtungpal; Maikadua a Yaay ni Jesucristo