Krus

Ti krus ket us-usaren dagiti adu a simbaan ti Kristiano kas maysa a simbolo ti ipapatay ken Panagungar ti Mangisalakan ken kas maysa a napudno a panangipeksa iti pammati. Kas miembro ti Ti Simbaan ni Jesucristo dagiti Santo iti Ud-udina nga Aldaw, lagipentayo met nga addaan iti panagraem ti panagsagaba ti Mangisalakan. Ngem gapu ta sibibiag ti Mangisalakan, ditayo us-usaren ti simbolo ti ipapatayna a kas simbolo ti pammatitayo.

Ti biagmo ti nasken a pangipeksaam iti pammatim. Laglagipem nga idi nabuniagan ken nakumpirmaanka, nakitulagka nga awatem iti bagim ti nagan ni Jesucristo. No palpaliiwendaka dagiti kalangenmo, nasken a kabaelanda a riknaen ti ayatmo para iti Mangisalakan ken ti aramidna.

Dagiti miembro ti Simbaan nga agusar laeng iti simbolo ti krus ket dagiti kapelian a Santo iti Ud-udina nga Aldaw, a naikabil daytoy kadagiti unipormeda a militar tapno maipakita nga isuda dagiti kapelian a Kristiano.

Kitaen met iti Pannubbot ni Jesucristo; Jesucristo; Panagungar