Sigud a Basol
Gapu iti Pannakatnag da Adan ken Eva, amin a tao ket agbiag iti natnag a kasasaad, naisina manipud iti Dios ken makapadas iti pisikal nga ipapatay. Nupay kasta, saantayo a makondena babaen ti aw-awagan ti adu iti “sigud a basol.” Iti sabali a balikas, saantayo nga agsungbat iti basol ni Adan iti Minuyongan ti Eden. Kinuna ni Propeta Joseph Smith, “Mamatikami a madusanto dagiti tao gapu kadagiti bukodda a basol a saan a gapu iti nagbasolan ni Adan” (Pagannurotan ti Pammati 1:2).
Babaen ti Pannubbot, inkaro ti Mangisalakan ti basol iti Minuyongan ti Eden (kitaen iti Moises 6:53). Inikkannatayo iti pammatalged ti panagungar ken ti kari a, maibatay iti kinapudnotayo, makapagsublitayo nga agindeg iti sidong ti Nailangitan nga Amatayo iti agnanayon.