Ayat

Ti ayat ket maysa a rikna ti nalaus a kinapasnek, pannakaseknan, ken panangipateg. Ti panagayat para iti Dios ken kadagiti pada a tao ket maysa a kababalin dagiti disipulo ni Jesucristo (kitaen iti Mateo 22:35–40; Juan 13:34–35; 2 Nephi 31:20). Iparangarangtayo ti ayattayo para iti Nailangitan nga Ama babaen ti panagtungpal kadagiti bilinna ken panagserbi kadagiti annakna. Dagiti panangipeksatayo iti ayat para kadagiti dadduma ket mabalin a pakaibilangan ti panagbalintayo a naasi kadakuada, idedengngeg kadakuada, pannakipagladingit kadakuada, panangliwliwa kadakuada, panagserbi kadakuada, panangikararag kadakuada, panangibinglay iti ebanghelio kadakuada, ken panagbalintayo a gayyemda.

Dumakkel ti panagayattayo para kadagiti adda iti aglawlawtayo no laglagipentayo nga annaknatayo amin ti Dios—nga espiritu nga agkakabsattayo. Ti ayat nga ibunga daytoy a pannakaawat ket addaan iti bileg a mangsakup iti amin a beddeng ti pagilian, relihion, ken maris.

Dagiti mainayon a reperensia: Levitico 19:18, 34; Deuteronomio 6:5; Lucas 6:31–36; Juan 15:9–15; 1 Juan 4:7–21, agraman ti footnote 12a; Mosiah 4:14–15; DkK 4:5; 12:8; 112:11; 121:41–45

Kitaen met iti Panangngaasi; Asi; Panagtungpal; Serbisio