Basol

No igagaratayo ti agsukir kadagiti bilin ti Dios, agaramidtayo iti basol. Agaramidtayo pay iti basol no mapaaytayo nga agaramid iti kinalinteg iti baet ti pannakaammotayo iti kinapudno (kitaen met iti Santiago 4:17).

Kinuna ti Apo nga Isu “[dina] kitaen ti basol a di mangted iti uray kabassitan a pawayway” (DkK 1:31). Ti bunga ti basol ket ti ipapanaw ti Espiritu Santo ken, iti kinaagnanayon, saan a makapagnaed iti sidong ti Nailangitan nga Amatayo, gapu ta “saan a mabalin a makipagnaed iti Dios ti narugit a banag” (1 Nephi 10:21).

Addaan ti tunggal maysa kadatayo kadagiti nalabsing a bilin wenno napaaytayo nga agaramid a mayannurot iti pannakaammotayo iti kinapudno. Insuro ni Apostol Pablo: “No kunaentayo nga awan ti basoltayo, allilawentayo ti bagitayo met laeng, ket ti pudno awan kadatayo. No ipudnotayo dagiti basbasoltayo, ni [Jesucristo] ti mapagtalkan ken nalinteg a mamakawan kadagiti basbasoltayo, ken mangugas kadatayo iti amin a kinakillo” (1 Juan 1:8–9). Babaen ti Pannubbot ni Jesucristo, makapagbabawitayo ken mapakawantayo kadagiti basbasoltayo.

Dagiti mainayon a reperensia: Taga Roma 3:23; 6:23; Alma 5:41–42; 11:37; Helaman 5:10–11; DkK 82:1–3; 88:34–35

Kitaen met iti Pannubbot ni Jesucristo; Ipapatay, Naespirituan nga; Pannakapakawan; Hustisia; Asi; Panagtungpal; Panagbabawi; Sulisog